هدايا بالجملة لديانا كرزون

نشرت النجمة ديانا كرازون صورا جديدة على حسابها على موقع انستغرام للتواصل الاجتماعي، وعلقت على بعضها بقولها: دخلت اليوم غرفتي لقيت أحلى الهدايا من أغلى الناس بحبكم كتير والله لايحرمني منكم؟

كما نشرت ديانا صور من آخر حفل في جولها في الولايات المتحده الأمريكيه.. وعلقت عليها: جولة شهرين التقيت فيهم بأشخاص من مختلف الجنسيات، تعرفت فيهم على جاليات عربيه احتضنوني بمحبتهم ودعمهم، الجالية الأردنيه في أمريكا الي كانوا عزوه و أهل و وطن إلي بغربتي ,, شهرين , غنينا و ضحكنا و حزننا و بكينا… و مرقت بظروف كتيره و تمنيت أكون ببلدي… شكر خاص لشركة petra entertainment السيد بلال الخطيب و السيد ابراهيم كرادشه على هالجوله الحلوه و الضخمه و انشالله راجعه بشهر نوفمبر الجاي لنعمل جوله ناجحه ان شاء الله .

وعن عيد الحب قالت ديانا ?? فبراير ،، هو مش عيد العشّاق ،، خلّونا نعتبره يوم يذكرنا بإنسانيتنا ، بأهميّة المحبة بحياتنا و أهميّة العطاء و الإحترام في كل تفاصيل أيامنا ، خلّونا نعتبره يوم التسامح يوم الإبتسامه يوم الإحترام يوم العرفان بالجميل،،، يوم المحبة.

أنا بدّي أشكركم جميعا بدّي أقدملكم إحترامي و محبتي لأنكم دائما موجودين بحياتي ، بمديحكم و بمذمتكم بمحبتكم و يمكن تقلبات مزاجكم ،، بدّي أحكيلكم إنّه هادا مش كلام لقاءات تلفزيونيه زي ما بنسمع المشاهير دايماً بيقولوا إنه حب الناس أكبر حب ،،، بدّي أحكيلكم إنه هاي حقيقه ،، لكل شخص ساهم بأي طريقة بوجودي اليوم و تكوين شخصيتي ،، أنا بحبك أنا بحترمك أنا بعترف بجميلك … يا ريت كلنا اليوم نتذكّر نعتذر من أشخاص زعلناهم أو أسأنا الظن فيهم ،، كلنا نحترم بعض ، نسأل عن بعض و نحب بعض..