مرض مشوه يتسبب في تفكير مطرب مصري بالاعتزال
صدم عدد من رواد مواقع التواصل الاجتماعي ، وبشكل خاص متابعي المطرب المصري الشاب “رامي جمال” بعدما قام بالإعلان عن نيته الاعتزال ، وذلك بعد إصابته بمرض البهاق الذى يسبب تشوهات جلدية واضحة .
رامي جمال يعلن مرضه
قام ” جمال” بكتابة منشور ، عبر حسابه الشخصي على موقع تبادل الصور والفيديوهات “إنستغرام” قائلا : “الحمد لله الذي أحبني فابتلاني وأقدرني على الصبر.. من فترة ظهرت بقع بيضاء في جسمي وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة”.
وأكمل : “رضيت وسلمت أمرى لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقولي هتتعامل إزاي وأنت فنان واللي يخاف يسلم عليا واللي يسألني هو ده معدي”.
محاولة إخفاء المرض
أوضح المطرب أنه كان يحاول جاهدا أن يخفى أثار مرضة في البداية ولكن دون جدوى حيث علق : “أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني أعمله عشان الناس مش هتقبلك كده، وفكرت في كلامهم بصراحة”.
الاعتزال
أوضح أيضا ” رامي جمال ” أن بعدما أصابه فإنه يفكر في الاعتزال لعدم تحمله عواقب ظهوره والتعليق على حالته وما يدور من أسئلة من قبل من يقابله من معجبيه والجماهير عامة ، فاختتم رامي حديثه: “لقيت إن عندي حلين يا فعلا شكرا لحد كده على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة أن شكله غريب، والحمد لله على نعمة الأهل لأنهم الوحيدين اللي بيقبلوا الواحد زي ما هو”.
يشار إلى أن رامي جمال نال شهرته الفنية، من تقديمه لأغنية “أنا بحبك يا بلادي”، والتي قدمها في ثورة 25 يناير/كانون الثاني 2011.
