ملك زاهر تكشف تعرضها لوعكة صحية مفاجئة وتوجه رسالة لجمهورها الحياة مش وردي

وجهت الفنانة الشابة “ملك أحمد زاهر” رسالة إلى متابعيها من خلال منشور نشرته عبر خاصية القصص المصورة. على حسابها الشخصي على موقع تبادل الصور والفيديوهات إنستجرام مطالبة إياهم بعدم الحكم على حياة الأشخاص من خلال المنشورات. التي يتم نشرها عبر مواقع السوشيال ميديا فإنها لا تعكس سوى جزء من الحقيقة.

ملك أحمد زاهر تشارك جمهورها خبر تعرضها لوعكة صحية مفاجئة

وحيث تمر “زاهر” بوعكة صحية مفاجئة منذ ثلاثة أيام، فقد اختارت إيصال رسالتها لمتابعيها من خلال نشر خبر مرضها. مشيرة إلى أن الجميع ينظر إلى الظاهر ولا يعرف ما يتم إخفاؤه من حياة المشاهير حيث أوضحت أن الوعكة الصحية التي تمر بها. تندرج تحت الجزء الغير ظاهر من حياة المشاهير.

وقالت “ملك أحمد زاهر” في منشورها: “طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية من الآخر. ولما كنت بحب انزل حاجة سلبية كنت باخدها بهزار وبنزلها كلوز فريندز وبهزر بيني وبين صحابي بس”.

ملك زاهر: حاسة ان في ناس بصة في الحاجات اللي بتبسطني

وتابعت قائلة: “بجد حاسة ان الفترة الأخيرة بيجيلي كومنتس كلها مانتي عايشة ومبسوطة واحنا مش عايشين. وايه كل اللي انتوا فيه وحاسة ان في ناس بصة على أتفه الحاجات اللي ممكن تكون بتبسطني زي مثلاً اني أنزل أروح الجيم. أو أخرج مع صحابي أو يكون شكلي حلو وانا رايحة إيفينت معين”.

وأضافت خلال منشورها: “حبيت بس اقولكم ان الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها. وجت فجأة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني باللي انا فيه ده ونفسيتي وحشة أوي”.

ملك زاهر تكشف تأثير الوعكة الصحية المفاجئة على حالتها النفسية

وأوضحت “زاهر” سبب نشرها لهذا الخبر قائلة: “أنا بحكي الكلام ده عشان تعرفوا بس ان حياتي فيها الحلو والوحش والله. زي اي حد بس انا بحب دايمًا اشير الحلو بس وغالبًا ده غلط فقررت اشارككم كمان الوحش. ومع إن اللي بيحصلي دلوقتي أنا بحمد ربنا عليه وعارفة انه بإذن الله هايكون حاجة بسيطة وان شاء الله هاخف. وكله هايبقى تمام بس هو مخلي نفسيتي وحشة أوي حقيقي”.

واستكملت “ملك” قائلة: “كل اللي طالباه انكم ماتحكموش على حد من السوشيال ميديا أو من ظهوره في أي حاجة. لأنها بتوري بس يمكن 20% من حياته وادعولي اخف بسرعة  شكرًا”. مؤكدة أن أي شخص وراء الصورة قد يواجه تحديات لا تُرى للعيان.

ملك زاهر: حسيت اني محتاجة اشارك الوحش زي ما بشارك الحلو

وأنهت “ملك” منشورها قائلة: “والهدف من الاستوري دي مش إن أي حد يقلق لأن الحمد لله أنا كويسة. وان شاء الله اللي عندي ده ليه حل وانا تمام مافيش حاجة مقلقة، أنا بس حسيت اني محتاجة اشارك الوحش زي ما بشارك الحلو مش أكتر”.

وفي وقت سابق، كانت “ملك زاهر” قد كشفت خلال استضافتها في برنامج تلفزيوني أنها دخلت في حالة اكتئاب شديدة. توقفت فيها عن الأكل وشربت المياه فقط لحوالي شهر، ما أدى إلى خسارة وزن كبيرة بشكل غير صحي.