تفاصيل طلاق النجمة السورية “تولين البكري” بعد يوم واحد من الزواج

انفصلت الممثلة تولين البكري عن زوجها، وأعلنت طلاقها بعد يوم واحد من الزواج، وأرجعت السبب في ذلك إلى (العنف المبني على أساس النوع الاجتماعي ونظرة المجتمع العربي المجحفة تجاه المرأة غالباً، بخاصة المطلّقة)، وفق تعبيرها..

وأعلنت البكري طلاقها بعد أقل من شهرين من طلاق زميليها نظلي الرواس وجلال شمّوط، وقبلهما الفنانة رواد عليو، وكذلك طلاق الفنانة الكبيرة أمل عرفة، والنجمة جيني إسبر..

وقالت الفنانة السورية تولين البكري في منشور عبر حساباتها على شبكات التواصل الاجتماعي: “رفقاتي… حبايبي.. لكل اللي فرحولي من قلبون.. ولكل اللي باركولي وتمنولي الخير.. بقول.. ومتل ماكنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل وإشارة استفهام عم تفكروا فيها..

وأضافت: بما أني بعد يوم من إعلان زواجي شلت كل الصور.. أنا رح واجه مشكلتي معكم لأنو أد ماخبيت مافي شي بيدوم.. ومافي داعي لخبي لأني ماغلطت.. بالعكس.. أنا متلي متل أيا أنثى.. بتحلم بالاستقرار والأمان والدفا والعيلة والحب..ارتبطت شرعا بشب أبن عالم وناس وتزوجنا بعد ماتقدملي بشكل رسمي وحكا مع أهلي وطلبني على سنة الله ورسوله..

وقالت البكري: ولكن للأسف، كان لأهل هالشب اعتراض عليي ومآخذ.. بما أنني مطلقة وممثلة و..و..الخ.. واجبروه على فسخ عقد الزواج القائم بيننا.. ماعندي شي خبيه لأني ماغلطت كل ذنبي كان أني طلبت الحلال مع هالشب.. وبالنهاية كل شي لخير أكيد.. وقسمة ونصيب.. بس حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم.. ياسيدتي عذرية الروح أهم بكتير من عذرية الجسد… وبعتذر من أهلي قدام الكل لأني حطيتون بهالموقف بدون أي ذنب.. شكرآ..