أحمد سعد لا أتمسك بالخطأ لما أعمل حاجة غلط هطلع أقول أنا غلط ومش هكابر
أكد الفنان “أحمد سعد” أنه لا يجد حرجًا في الاعتراف بأخطائه والاعتذار عنها، موضحًا أن بعض القرارات التي يتخذها تكون بدافع العفوية. لكنه يراجع نفسه عندما يكتشف أنها لم تلقَ قبولًا لدى الجمهور، كما كشف كواليس مشاركة ابنته “جودي” في أغنيته الجديدة “كده كده”. والسبب الذي جعله يرفض دخولها مجال الغناء لسنوات.
أحمد سعد: الاعتراف بالخطأ لا ينتقص مني
تحدث الفنان “أحمد سعد”، خلال لقاء له مع برنامج “إي تي بالعربي” عن تكرار اعتذاره للجمهور بعد بعض المواقف. وآخرها الظهور بإطلالة أثارت جدلًا واسعًا، مؤكدًا أن الاعتذار بالنسبة له دليل على تحمل المسؤولية وليس ضعفًا.
وقال: “أنا لو درست دقيقتين أي حاجة بعملها مش هعملها، أنا الفوضى الخلاقة في حاجات ببقى عايز أعملها عشان أنا عايز أعملها. لو كنت راجعت نفسي أو سألت ناس أو سألت نفسي مرة تاني مكنتش عملتها يمكن بعد ما بعملها والناس مبتحبهاش بطلع اعتذر. وأنا في النص ببقى عايز اعتذر وعايز أرجع الحاجة الوحيدة اللي عمري ما هخسرها إني لما أعمل حاجة غلط هطلع أقول أنا غلط. ومش هكابر ومش هقول أنا صح وأنا غلط، مفيش بني آدم على وجه الأرض مبيغلطش”.
كواليس مشاركة جودي في أغنية كدا كدا
وخلال اللقاء نفسه، تحدث “أحمد سعد” عن مشاركة ابنته جودي في أغنية “كدا كدا” موضحًا أنه كان يرفض دخولها مجال الغناء. رغم حبها له، وقال: “جودي كلمتها مبتنزلش الأرض حكمت عليا لأن أنا مكنتش موافق مش عشان مش بحب الفن أو الفنانين. أو عندي أي تحفظات كنت عايزها تبقى طبيعية وتبقى زي الناس اللي بتروح الشغل الصبح وترجع بعد الضهر. إحنا عايشين على طول دايما في منافسة هتشتغل هتنجح ولا مش هتنجح كل يوم عايش في حياة فيها ضغط. الناس بتبقى شايفه الجانب اللذيذ والحلو والمبهج بس متعرفش ان لو منجحتش مش هتشوف الجانب ده. كنت عايز أعفيها من كل ده وقعدت 15 سنة أحارب ومنجحتش ومشت كلامها عليا”.
وفي لقاء آخر مع “بيلبورد عربية” كشف “سعد” تفاصيل تسجيل الأغنية، موضحًا أنه كان يخطط لتقديمها بصوته فقط. قبل أن تفاجئه ابنته برغبتها في المشاركة.
وقال “أحمد سعد” خلال اللقاء: “بقالي كتير بمنع الموضوع ورافض إنها تغني تمامًا هي راحت تدرس في إسبانيا وحبتها جدًا جدًا. لدرجة فجأة لقيتها بتتكلم إسباني وأنا قاعد فخور بيها جدًا هي بتحب أوي اللغات تحب تدرس لغات وتتعلم أكتر من لغة”.
وأضاف قائلاً: “لقيتها بتتكلم إسباني وأنا أصلاً كنت عامل الأغنية ليا لوحدي وهي دخلت عليا في الأغنية وانقضت عليا. أنا عملت الأغنية الفترة اللي نفذت فيها ألبوم “حبيبنا” وكنت مخلي كورال إسباني يغني ولكن هي قالتلي أنا عايزة أجرب وغنت”.
فيديو كشف رغبة جودي في الغناء
وكان “أحمد سعد” قد شارك متابعيه مقطع فيديو جمعه بابنته “جودي”، ظهرت خلاله وهي تطلب منه السماح لها بالغناء. لكنه رفض في البداية، ثم رفض أيضًا اقتراحها بتقديم دويتو معه، مؤكدًا أنه كان يتمنى أن تركز على دراستها. وأن تصبح طبيبة، قبل أن تنجح في إقناعه بالمشاركة في أغنية “كدا كدا”.
كما سبق أن أثار الفنان حالة من التشويق بعدما نشر صورة تجمعه بفتاة تشاركه تسجيل الأغنية، مع إعلانه تقديم جزء منها باللغة الإسبانية. دون الكشف آنذاك عن هوية شريكته في الغناء، ليتبين لاحقًا أنها ابنته “جودي”.
اعتذار جديد بسبب الإطلالة المثيرة للجدل
وعلى جانب آخر، جدد “أحمد سعد” اعتذاره لجمهوره بعد الانتقادات التي تعرض لها بسبب إطلالته الأخيرة. حيث ظهر في فيديو وهو يقص شعره ويحلق لحيته، وقال: “جمهوري الحبيب الغالي أنا عايزكم تكونوا معايا في اللحظة اللي جاية دي. أنا خلاص توبت عن أي حاجة غريبة مش هعمل أي حاجة غريبة أي حاجة تزعل جمهوري اللي بحبه. وبيقعد يقولي لا أنت ليه عامل كده مش هعملها تاني”.
وأضاف: “طبعا هتقولوا ليه هو كل شوية يعمل حاجات ويرجع يعتذر ويرجع يقول سوري، مش مهم أنتوا هتقولوا إيه. المهم إن أنا مش هلاقي الجمهور زعلان مني في أي حاجة تاني في حياتي وهعملها”.
