ياسمين عبد العزيز تكشف سر جمالها أي واحدة عايزة تبقى حلوة تحب نفسها
قدمت الفنانة “ياسمين عبد العزيز” رسالة إلى السيدات، أكدت خلالها أن الجمال الحقيقي يبدأ من التصالح مع الذات وحب النفس. مشيرة إلى أن الحالة الداخلية للإنسان تنعكس بشكل واضح على ملامحه.
ياسمين عبد العزيز عن سر جمالها: اللي جواكي هو اللي بيطلع على وشك
حيث أجرت “ياسمين عبد العزيز” لقاء لها مع برنامج “إي تي بالعربي” سُئلت خلاله “ياسمين” عن السر وراء تألقها. وظهورها بحالة من الراحة النفسية خلال الفترة الأخيرة، لترد قائلة: “مش هقول سنجل والكلام الأهبل ده، أنا بهرج برمي إفيه مش هو ده بجد الواحد لما بيحب نفسه بيحلو أنا حبيت نفسي”.
وأضافت قائلة: “دلوقتي بحب ياسمين وبفكر مع ياسمين ولياسمين لما حبيت نفسي مع حاجات تانية اللي جواكي هو اللي بيطلع على وشك. لو من جوايا أسود هيطلع على وشي، لأي واحدة عايزة تحلو حبي نفسك”.
ياسمين عبد العزيز عن دورها في خلي بالك من نفسك: ده التغيير عشان الناس متزهقش
وخلال اللقاء، تطرقت “ياسمين عبد العزيز” أيضًا إلى تجربتها في فيلمها الجديد “خلي بالك من نفسك”، موضحة أنها تخوض من خلاله تجربة مختلفة. بتقديم مشاهد أكشن، وقالت: “بعمل أكشن في “خلي بالك من نفسك” ده التغيير عشان الناس متزهقش. أعمل دراما وكوميدي ورومانسي الممثل لازم يعمل كل حاجة”.
ياسمين عبد العزيز: كنت زمان بستخدم جسمي وريأكشناتي
كما شددت على أهمية الاجتهاد والتجديد في اختيار الأعمال الفنية، مؤكدة: “الاستسهال أخرته مفيش حد بيكمل والجمهور ذكي. مش هيدخل غير لما يسمع الفيلم حلو ولا وحش هتستسهل هتلاقي وقتك خلص لكن هتنقي وتشتغل وتتعب وتفكر أن تجيب مواضيع جديدة. في حاجات كنت بعملها زمان مينفعش تتعمل دلوقتي حتى الكوميدي اللي بعمله بتاع دلوقتي مش الكوميدي اللي كنت بعمله زمان. كنت زمان بستخدم جسمي وريأكشناتي، الجيل دلوقتي الضحك بتاعه اتغير”.
تفاصيل وأبطال فيلم خلي بالك من نفسك
ويجمع فيلم “خلي بالك من نفسك” بين الكوميديا والأكشن والتشويق، إذ تدور أحداثه حول شخصية يجسدها الفنان “أحمد السقا”. يقدم من خلالها نصائح عاطفية عبر برنامج إذاعي، قبل أن يجد نفسه في سلسلة من المواقف المفاجئة التي تقلب مجرى حياته.
ويشارك في بطولة الفيلم “أحمد السقا” و “ياسمين عبد العزيز” و “لبلبة” و “محمد رضوان” و “مصطفى أبو سريع”. إلى جانب عدد من ضيوف الشرف، وهو من تأليف “شريف الليثي” وإخراج “معتز التوني”.
