بعد مشاركته في التظاهرات الأمريكية ويجز يطلق تصريحات قوية للتنديد بجرائم الاحتلال الإسرائيلي

بعد مشاركته في التظاهرات الأمريكية ضد إسرائيل للتنديد بالجرائم التي تقوم بها إسرائيل ضد الفلسطينيين، حل النجم المصري “أحمد علي شحات” الشهير بـ “ويجز” ضيفًا على برنامج الجزيرة مباشر استكمالاً لإيصال رسالته بالتنديد ضد الجرائم الإسرائيلية، إدانة الإبادة الجماعية، ودعم حملات المقاطعة للمنتجات التي تدعم الكيان الصهيوني.

صرح “ويجز” خلال لقاءه عدة تصريحات قوية أظهرت مدى دعمه للمقاومة الفلسطينية وكيفية تعامل الإعلام الخارجي مع ما يحدث في غزة وعلى الأراضي الفلسطينية حيث قال: “من وجهة نظري مفيش حد يجي يكلمنا بقى أن أمريكا بلد حرية وديموقراطية وبتاع، لا لا، بالعكس، انت بس بتحطني على خط أنا لازم امشي عليه عشان تبقى هي دي الحرية، وأول ما أطلع براه يبقى هو دا مش حرية ولا حاجة، نفس الحاجة أنت بتخاف من الناس المختلفة عنك، وبتخاف من أشكال الحياة اللي ممكن ماتبقاش واخدة نفس الشكل بتاعك”.

مضيفًا: “يعني ال “سي آي إيه” مش عارفة وأنا اللي عارف اللي بيحصل في غزة؟! لا هما مليون في المية عارفين اللي بيحصل في غزة، واللي بيحصل في غزة معمول حسابه ومعمول له خطة والجو جميل يعني، الناس دي عارفة كويس هي بتعمل إيه، وأدام الناس كلها، دا اللي أنا بتكلم فيه أنا دوري بقى كبني آدم إيه؟”.

واستكمل قائلاً: “أنا دوري أن أنا أوصل صوتي، وأتكلم وأقول على فكرة احنا مش مغيبين أو عبط عشان نبقى مش عارفين أو حاجة زي دي تعدي علينا عادي”.

وعن دور الإعلام الأمريكي وتأثيره على الرأي العام قال “ويجز”: “طبعًا في ناس بتتفرج عليه ومصدقاه، فتغيب يعني أكيد، ما تقوليش آه غارات على غزة، وفي الآخر تجيب لي بيت واقف واخد طلقتين، يعني دا مش البيت اللي اتقصف، ودي مش الصورة الحقيقية”.

وأشاد “ويجز” بحملات المقاطعة التي انتشرت على مواقع التواصل الاجتماعي حيث قال: “المقاطعة فكرة جميلة جدًا، وأنا من أول الأشخاص المطبقين لها، أنا طبعًا عمري ما هشرب أي شيء له أي علاقة بهذا الكيان، عمري ما هاكل أي شيء له علاقة بهذا الكيان، لأن فلوسي بنت الإمبراطورية دي، انت شربت كم واحدة من عنده، وكلت كم واحدة؟ طب فلوسك دلوقتي اتعمل بيها ايه؟ فلوسك اتبعتت عشان تشارك في حرب غير عادلة وغير آدمية، وكل أشكال التعاطف مع الشعب الفلسطيني مش كفاية”.

واستكمل قائلاً: “دورنا أكبر بكتير مما نظن، مش لازم فلوس قهوتي تروح لإسرائيل، أو تروح لجيش معين، أنا بحاول اشرب كوباية قهوة وحد غيري تاني ينتفع، 2 مدنيين بنحاول نشتري شيء، وليه الناس عمالة تدفع فلوسها لإسرائيل عشان تقتل مجموعة من المدنيين”.

يذكر أن “ويجز” شارك في تظاهرات بالولايات المتحدة الأمريكية منددة بالاحتلال الاسرائيلي لفلسطين، ونقل “ويجز” أجواء المظاهرة من خلال أحد مقاطع الفيديو قائلا: “إحنا لسه نازلين الشارع في أمريكا، نيويورك سيتي قافلين محطة مترو كبيرة وكل الناس جوا، والظباط جايبين 90 ألف عربية ومنعوا الناس تدخل علشان بقت زحمة”.