نجوى إبراهيم تفتح النار على إطلالات الفنانات الأناقة شيء وعدم اللبس اللطيف شيء تاني
فتحت الإعلامية “نجوى إبراهيم” ملف إطلالات الفنانات في المهرجانات السينمائية، معربة عن استيائها من بعض اختيارات الأزياء التي ظهرت بها النجمات مؤخرًا. خاصة خلال الدورة التاسعة من مهرجان الجونة السينمائي. وخلال حديثها في برنامج “بيت العز”، وجهت رسالة للفنانات بشأن حدود الحرية في اختيار الملابس، وأهمية مراعاة طبيعة المهنة. والصورة التي تظهر بها المرأة أمام الجمهور.
نجوى إبراهيم: المرأة قدوة ومسؤولية المظهر لا تنفصل عن المهنة
أكدت “نجوى إبراهيم”، عبر إذاعة وقناة “نجوم إف إم”، أن المرأة تمثل قيمة كبيرة في المجتمع، مشددة على أن المظهر جزء مهم من الصورة العامة. وأن الفنانة والإعلامية تتحملان مسؤولية إضافية بحكم ظهورهما أمام الجمهور.
وقالت في برنامجها: “أنا متعصبة من اللي بشوفه الأيام اللي فاتت، الست هي أقيم شيء في الحياة هي اللي بتدينا الحياة الأم. يا حبايبي إنتي هتبقي أم، ربنا يديكي الزوج الصالح والأولاد اللي يبقوا فخورين بيكي، المظهر مهم. والمهن غير الحرة أنت عملت عقد مع مين عشان يقولك تعمل إيه اقري العقد لو قالك اقلعي والبسي كده قولي لأ. أعرضي على ماما وبابا وخطيبك أو جوزك لكن متفضليش تزني وتنكدي عليه عشان تطلعي لابسة الفستان الشيك الحلو أوي. اللي ديله يعمل خمس فساتين ويا عيني مفيش كمام، زي ما أنتم من حقوا تعملوا كده لازم الإعلام يبقى من حقه يقولك ده كتير. لأن الست هي القدوة في المجتمع”.
انتقادات لإطلالات النجمات في الدراما والمهرجانات
وواصلت الإعلامية حديثها منتقدة الصورة التي تظهر بها المرأة المصرية في بعض الأعمال الدرامية وعلى السجادة الحمراء. موضحة أن حرية الاختيار لا تلغي، من وجهة نظرها، طبيعة الالتزامات المرتبطة بالمهن التي تتطلب الظهور أمام الجمهور.
وأضافت: “إحنا ليه بقى منظر الستات المصريات في الدراما بالشكل ده ليه منظر الستات في المهرجانات يبقى بالشكل ده. حتى لو أنتي بينك وبين نفسك بتروحي في الأفراح بالشكل ده أنا مليش دعوة إنتي في مهن غير حرة. أنتوا مش حرين مش أحرار أنا بحبكم وبحترمكم وعلاقتي طيبة بكل الزمايل إعلام وفن وثقافة لكن المكان اللي أنا فيه. وبتجيلي رسايل من كل مكان من حقكم علينا إننا نقولكم أن ده مش حلو زيادة حبتين وقللي شوية، وبعدين مش معقول. اللي مستغرباه أن الزوج بيبقى فرحان جدًا أن مراته بقت قمر وشوفوا الحتة دي إزاي يعني أنا خايفة على الشباب الجداد جدًا. ومن تجربتي لازم أقولكم أن الشهرة الحقيقية مش في استمرارها في استمرار السمعة الحسنة كلنا بنغلط ونفشل. ويتقال علينا كلام لكن الحاجة الأساسية خرسانة محترمة تبني عليها ناطحة سحاب”.
اقتراحات بشأن الفساتين ورسالة عن الشهرة والسمعة
وتطرقت “نجوى إبراهيم” إلى تفاصيل تصميم بعض الفساتين، معتبرة أن الذيل الطويل الذي يستهلك كميات كبيرة من القماش. يمكن الاستفادة منه في تغطية أجزاء أخرى من الفستان، بدلًا من التركيز على امتداده، كما حذرت من تجاهل أثر الإطلالات الحالية. على الصورة التي تترسخ في أذهان الأبناء مع مرور الوقت.
وقالت: “موضوع المهرجانات والجوايز مش محتاجة مننا أننا نعمل حاجة عكس المطلوب وكل ما الفستان طول أوي وبقى بديل طويل؟ القماش بيتحط في الديل طيب ما ناخد شوية قماش نحطهم على الكتاف، في حاجات محتاجة أن الواحد يخلي باله منها. عشان لما يكبر ربنا يديكم طولة العمر مع شهرتكم ونجاحكم، أنه متبقيش مخضوضة لو جبتي ولد وكبر معاكي. وبص وقال إيه اللي إنتي عملاه يا ماما وأنتوا فاهمين أنا عايزة أقول إيه”.
الأناقة شيء وعدم اللبس اللطيف شيء تاني
واختتمت الإعلامية انتقاداتها بالتأكيد على أن الأناقة لا تعني بالضرورة اختيار ملابس تكشف تفاصيل الجسد. مشيرة إلى أن لكل مهنة طبيعتها وضوابطها، وأن الظهور الإعلامي يستلزم الانتباه إلى طبيعة الملابس المختارة.
وأكملت “نجوى إبراهيم”: “إيه الفكرة لما أشوف فنانة أشوف كل حاجة أنا مالي برجليكي حبيبتي أنا مالي بالصدر والكتاف إيه ده كتير. الأناقة شيء وعدم اللبس اللطيف شيء تاني خالص، كل واحد حر لكن في حاجة اسمها مهن غير حرة. في عقد وبتروحي الشغل مينفعش وأنا مذيعة وأبقى لابسه من غير”.
