“لقاء الخميسي” أنا مسلمة بالوراثة
حلت النجمة “لقاء الخميسي” ضيفة على الإعلامي “تامر شلتوت” من خلال أحد البرامج التلفزيونية في لقاء تحدثت فيه عن حياتها الشخصية، العاطفية، والفنية، كما تطرقت “الخميسي” للحديث عن الدين حيث أطلقت عدة تصريحات صادمت أثارت الكثير من الجدل كما تعرضت لانتقادات لاذعة بسبب تلك التصريحات.
كانت أسئلة “شلتوت” وطريقة إدارته للحديث تتطرق إلى الحياة الشخصية للنجمة “لقاء الخميسي” حالها كحال كافة النجوم والنجمات الذين يحلون ضيوفًا عليه، وقد تحدثت “لقاء الخميسي” عن حياتها العاطفية قبل الزواج من حارس المرمى المصري “محمد عبد المنصف” حيث قالت: “قبل ما أتجوز، الحاجة اللي كانت بتجذبني للراجل إنه يكون عنده أي صفة من صفات أبويا، وده مش دايما بيبقى حلو، لإنها مش بتتحسب كده، وخدت فوق دماغي كتير، كنت بدور على حاجة شبه الراجل ده وبدور على بابايا، لحد ما ربنا هداني وعرفت محمد عبد المنصف”.
وأضافت قائلة: “اتعلمت من أفشل علاقة في حياتي، إن مش كل اللي أنت عايزه في شريك حياتك هتاخده، هي مش حسبة، هاخد الراجل بالحاجات اللي مريحاني فيه وهيبقى فيه حاجات مش مريحاني، بس هكون مضطرة أقبل بيها، مش هتقدر تلاقي الشخص اللي راسمه في خيالك، يعني أنا وزوجي محمد عبد المنصف مش شبه بعض خالص، مختلفين تماما، النقطة الوحيدة اللي شبه بعض فيها إننا طيبين”.
وبالحديث عن الخيانة وأي أنوا الخيانة تعرضت لها قالت “الخميسي”: “أنا اتخانت مرة واحدة، من واحد كنت عارفة إنه يعرف بنات كتير، ولما عرفت بالخيانة سيبته، مش بواجه خالص، مش همشي وأنا مريحاه، مش لسه هقوله هو عمل إيه، هو يقعد يفرك يشوف هو عمل إيه، وأنا بختفي، وبيبقى الحد ده نفسه يعرف إيه الحصل، عاقب نفسك واقعد فكر”.
وعن خيانة الأصدقاء قالت: “على مدار حياتي متخانتش من أصدقاء كتير، لإني باخد بالي أنا بصاحب مين عشان بخاف أوي، وفيه ناس ضربت من تحت الحزام بس هما مش مهمين في حياتي
وأضافت “لقاء الخميسي”: “وبرضه في ناس مهمين عملوا معايا كده وزعلت أوي واتأثرت ومكنتش مصدقة، ومردتش على الإهانة اللي اتقالتلي ومعاتبتش، لإني عارفة من جوايا إني كبيرة، لو حد عايز حاجة ييجي يقولي لكن ميأذنيش في مشاعري، تعالي قوليلي سيبيلي الدور ده ونقعد ونتناقش، لكن هتلف من ورايا مش عايزة أعرفك تاني”.
وأما عن الفقرة الأكثر جدلاً في الحوار، فقد تحدثت “الخميسي” بتصريحات صادمة تتعلق بالدين والحجاب حيث قالت: “إحنا بنورث دينا، حد مبيورثش الدين من الأب، أنا مصرية بالوراثة ومسملة بالوراثة، وأخدت دين أبويا، ولم اسئل أنا عايزة أبقى إيه، هل ده لي علاقة من أني مصرية، هل ده تقليل من ديني؟! أنا واضحة بشكل كافي ومش مجبرة أقول حاجة ليها معنى تاني، إحنا واخدين دينا بالوراثة”.
واستدلت “الخميسي” على كلامها عن الحجاب بآية قرآنية حيث قالت: “النقاب غير مذكور في القرآن، وعمري ما قلت إنه مُبتدع، وربنا قال (وليضربن بخمرهن على جيوبهن)، هي حتة قماشة على الصدر”.
وقد تعرضت الفنانة “لقاء الخميسي” للكثير من الانتقادات بسبب هذه التصريحات التي وجدها البعض ليست مناسبة وصريحة بشكل زائد.
