شيرين عبدالوهاب تطمئن جمهورها من الحجر الصحي

بعد غياب استمر قرابة 6 أشهر عن مواقع التواصل الاجتماعي، عادت المطربة شيرين عبدالوهاب للظهور مجددا، وطمأنت شيرين جمهورها على حالها في زمن انتشار فيروس كورونا، وذلك في أول عودة لها إلى مواقع التواصل.

شيرين عبدالوهاب تطمئن جمهورها

وقالت شيرين في تغريدة على “تويتر”: “أنا هنا يا حبايبي واتبسطت جدا لما في ظل الظروف اللي العالم كله فيها وكل اللي ليه حد بيحبه قلقان وخايف عليه، لقيتكم فاكرينني وبتسألوا عني.. أنا عايزة أطمنكم إني بخير الحمد لله وحالي زي حالكم كلكم، قاعدة في بيتي مع عيلتي وبدعي إن الغمة دي تعدي على خير”.

وأضافت في تغريدة أخرى: “اهتمامكم بالسؤال عليا ده فرحني جدا وإداني طاقة إيجابية كنت محتاجاها في ظروف زي دي، وحمسني جدا وخلاني عايزة أفرحكم زي ما فرحتوني وقريب إن شاء الله أشارك معاكم حاجة قريبة جدا لقلبي، ولحد ما ده يحصل عايزاكم تكونوا متطمنين عليا، وتاخدوا بالكم من نفسكم ونفضل كلنا في البيت”.

شيرين أغلقت جميع حساباتها منذ شهر أكتوبر

وكانت شيرين عبد الوهاب، قد أغلقت جميع حساباتها على مواقع التواصل الاجتماعي، في شهر أكتوبر الماضي، بسبب الهجوم الحاد الذي تعرضت له، بعد إعلانها تخصيص عائد حفل لمتضرري حرائق لبنان.