غادة عادل تكشف تسبب الفيلر في تشوهات وجهها

تحدثت الفنانة “غادة عادل” خلال الجزء الثاني من لقاءها مع الإعلامية الكبيرة “إسعاد يونس” في برنامج “صاحبة السعادة”. عن فترة صعبة مرت بها وفكرت خلالها في الاعتزال بسبب خطأ طبي.

غادة عادل تكشف سبب تشوهات وجهها

حيث كانت قد حقنت وجهها بالفيلر خلال فترة من الفترات إلأ أن الطبيب حقنها بـ فيلر دائم لا يذوب. وهو ما أدى إلى بعض التشوهات في وجهها جعلتها تفكر في الاعتزال بسبب عدم تقبلها لشكلها.

وقالت “غادة عادل” خلال لقاءها: “الفيلر ده أوحش حاجة في الدنيا سنة 2007 كنت بعمل مسلسل “قلب ميت”. وقتها كنت لسه صغيرة مش محتاجة بس كنت خاسة أوي، الستايلست قالتلي ننفخ شوية الخد وكنت عمري ما عملت حاجة خالص في حياتي. معرفش أصلاً يعني إيه دكتور تجميل، رحت وحطلي حاجة في خدي وحسيت إني عندي نضارة”.

غادة عادل تحكي تجربتها مع الفيلر والخطأ الطبي الذي وقع فيه الطبيب

وتابعت: “عملت مرة فيلر وخلاص وبعدين قعدت فترة ألاقي حاجة طالعة في وشي مش عارفة دي إيه أروح لدكاترة يعملولي ليزر ومش عارفين”.

وأضافت “غادة عادل” قائلة: “بعدها بكذا سنة سافرت إنجلترا وروحت لدكتور سألني انتي عامله فيلر؟ قلتله لا وأحلف إني مش عاملة. أنا مش بكذب أنا عملت من سنين وفاكراه بيروح، عمل أشعة طلع الدكتور حطلي “فيلر” بيفضل مش بيدوب. الدكتور ظبط الدنيا”.

غادة عادل: الفيلر باظ خالص وقررت اعتزل

واستكملت: “بعدها حصل تليف والفيلر باظ خالص، ربنا ألهمني وقابلت دكتور طيب وقالي عشان يشيل الفيلر لازم أعمل تجميل في الوش. والحمد لله مغيرتش حاجة في شكلي ورجعت زي الأول”.

واختتمت “غادة عادل” حديثها قائلة: “هقولك على سر في عمل معين عملته وكان حصل التليف ده قررت اعتزل. لأن أنا مش حابه أشوف نفسي وبتفرج على نفسي وأنا مش مبسوطة، إنجي علي صديقتي قالتلي ممكن متقوليش ومتعلنيش”.

آخر أعمال غادة عادل السينمائية

يذكر أن الفنانة “غادة عادل” عرض لها مؤخرًا فيلم “فاميلي بيزنس”، من بطولة الفنان الكبير “محمد سعد” و “غادة عادل”. بمشاركة كل من “دنيا سامي” و “هيدي كرم” و “أحمد الرافعي” و “محمود عبد المغني” و “أسامة الهادي”. ومن تأليف ورشة بروس 3 وإنتاج “محمد رشيدي” “رشيدي فيلمز” وإخراج “وائل إحسان”.