هاني فرحات ينتقد تصريحات مهرجان الموسيقى العربية مينفعش تقول البلد مفيهاش فلوس
انتقد المايسترو “هاني فرحات” التصريحات المتداولة بشأن عدم توافر الميزانية والإمكانيات اللازمة لإقامة مهرجان الموسيقى العربية. معتبرًا أن الحديث بهذه الطريقة لا يليق بقيمة مصر ومكانة المهرجان عربيًا.
وقال “فرحات” في تصريحات له: “زعلان من اللي أنا سمعته والكلام اللي اتقال، لأن ده يدل على عدم معرفة بقيمة البلد”.
هاني فرحات: توليت رئاسة المهرجان في أصعب الظروف
استشهد “فرحات” بتجربته السابقة في رئاسة مهرجان الموسيقى العربية، موضحًا أنه تولى المسؤولية في فترة وصفها بأنها من أصعب السنوات التي مرت على مصر. ورغم عدم امتلاكه ميزانية كافية، بحث عن حلول لضمان استمرار المهرجان.
وأضاف قائلاً: “لما جيته مكنش معايا ميزانية وممنوع أدفع لحد بالدولار، دورت على حلول تانية، دخل معايا تذكرتي وشالوا معايا المهرجان. لما لقوا إن في حاجة بتتعمل وإن فيه نجوم وناس جاية تغني عشان مصر والجمهور المصري”.
لو مش قادر تعمل المهرجان .. هات حد مكانك
ورفض “فرحات” تحميل ضعف الإمكانيات مسؤولية عدم تقديم مهرجان يليق باسمه، قائلًا: “أنا اتحطيت في منصب ومش عارف تحقق فيه. أعرق وأعظم مهرجان في المنطقة العربية، أعلن وأقول يا جماعة أنا مش قادر أعمل الكلام ده، هاتوا حد مكاني”.
وتابع: “أما أعلق فشلي وقلة أفكاري وأقول إن البلد مفيهاش فلوس، ده كلام ما يطلعش، مش مسؤول، دي مصر. لازم تعرفوا قيمة البلد اللي أنتوا بتخدموا فيها”.
وشدد على موقفه قائلًا: “مينفعش تقول البلد مفيهاش فلوس، لا، للأسف حضرتك اللي فاشل، أنا كنت في مكانك وعملت أعظم مهرجان. ومحدش كان بيتكلم في فلوس، الناس كانت بتدفع فلوس عشان تيجي تغني”.
هاني فرحات يتساءل عن اعتذار علي الحجار
وتطرق المايسترو إلى اعتذار الفنان “علي الحجار” عن المشاركة في المهرجان، متسائلًا عن الأسباب التي دفعته لاتخاذ هذا القرار. وقال: “علي الحجار ليه اعتذر؟ أكيد زعلوه الراجل، ده زي مدحت ومحمد الحلو والأساطير بتوعنا”.
وأكد أن المهرجان لا ينبغي أن يقتصر على الفنانين المصريين، بل يجب أن يضم نجوم الغناء العرب، مضيفًا: “المهرجان مش مقتصر على المصريين بس، ده على كل نجوم العرب، مين من نجوم العرب ما يتمناش يغني في الأوبرا؟. إحنا ازاي بنقلل من نفسنا أوي كده يا جماعة؟”.
منتظر رد رسمي .. هاني فرحات يطالب بتوضيح
واختتم “فرحات” تصريحاته بالمطالبة برد رسمي من الجهة المسؤولة، معتبرًا أن التصريحات التي أثارت غضبه “غير موفقة”.
وقال: “منتظر رد رسمي من الجهة المسؤولة في البلد، الكلام ده مينفعش يتقال أصلًا”.
وأضاف قائلاً: “لو مش عايز تعمل مهرجان قول مش عارف وخلي حد تاني يعرف يجي، أما تتكلم باسم مصر بالطريقة دي. وتقول مصر مفيهاش فلوس، لا، للأسف حضرتك اللي فاشل ومش عايز تعمل حاجة”.
واختتم “هاني فرحات” حديثه قائلًا: “دي بلدنا في وشنا كلنا .. حرام”.
