محمد دياب يدافع عن فيلم أسد وينفي دعمه لفكرة الأفروسنتريك

واجه فيلم “أسد” للفنان “محمد رمضان” العديد من الاتهامات بدعم ما يسمى بالـ “أفروسينتريك”، وقد رد مخرج الفيلم “محمد دياب”. على الاتهامات التي طالت فيلمه من خلال منشور نشره عبر حسابه الشخصي على موقع التواصل الاجتماعي فيسبوك.

محمد دياب يرد على اتهامات فيلم “أسد” بدعم الأفروسنتريك

وقال “محمد دياب” في منشوره: “أسد بيدعم أفكار الأفروسنتريك؟ أفروسنتريك معناها ادعاء أن المصريين اللي في مصر حاليًا غزاة. والحضارة المصرية أصلها أفريقي بناها الأفارقة، وده كلام فارغ طبعاً، أي شخص اتفرج علي فيلم أسد. شاف ان أول مشهد في الفيلم العبيد اللي في الفيلم بيتخطفوا من أفريقيا علي يد قراصنة إنجليز وبعدها بيتباعوا في مصر. يعني العبيد اللي في الفيلم مش من أصل مصري وده بينسف الاتهام الباطل ده في أول مشهد في الفيلم! ده بالعكس ضده”.

محمد دياب: بستأذن كل الوطنيين اللي خايفين علي مصر نتأكد قبل ما تتهموا ناس في صفكوا

وأضاف: “شخصياً عندي فيلم فرعوني شغال عليه وأعلنت عنه قبل كده بيكشف وهم فكرة الأفروسنتريك تماماً، ودي قضيه مهمة فعلاً. بس بستأذن كل الوطنيين اللي خايفين علي مصر من أي مؤامرات ممكن نتأكد قبل ما تتهموا ناس في صفكوا؟. صناع فيلم أسد مصريين ناس وطنيين عملوا الفيلم بتفاني واشتغلوا عليه ٣ سنين وصوروه بالكامل في مصر بإيادي مصرية. وقدموا منتج بشهاده الجميع يساوي الأعمال العالمية في الجودة”.

محمد دياب يوضح فكرة عمل فيلم أسد

وتابع “محمد دياب” قائلاً: “محتاجين دعمكوا عشان السينما المصرية صناعة وطنية ناجحة، تأثيرها مش مادي فقط بل هي قوة ناعمة مهمة. لنشر الثقافة والوعي المصري، الكلام اللي كانت بتتناقله الصحافة عن أن الفيلم عن ثورة الزنج في العصر العباسي عاري من الصحة. وعمره ما خرج من حد من صناع الفيلم”.

واختتم “محمد دياب” منشوره موضحًا فكرة “أسد” حيث قال: “أسد بيتكلم عن منتصف القرن التاسع عشر. لما مصر كانت أول دوله في المنطقة تلغي العبودية وازاي القرار ده في وقتها عمل زلزال اجتماعي. بدعوكوا كلكوا تتفرجوا علي الفيلم وطبعًا النقد مرحب بيه، بس بستأذنكوا يكون نقد لحاجات موجودة في الفيلم”.

فريق عمل فيلم أسد

وشارك في بطولة الفيلم عدد من النجوم والنجمات المصريين والعرب على رأسهم بطل الفيلم الفنان “محمد رمضان”. بمشاركة كل من “ماجد الكدواني”، “رزان جمال”، “علي قاسم”، “أحمد داش”، “كامل الباشا”، “محمود السراج”، “مصطفى شحاتة”، “إسلام مبارك”. “إيمان يوسف”، و “عمرو القاضي”.

يشار إلى أن فيلم “أسد” من إخراج “محمد دياب”، وتأليف “شيرين دياب” و “محمد دياب” و “خالد دياب”. ووضع الموسيقى التصويرية للفيلم الموسيقار “هشام نزيه”، ومدير التصوير “أحمد البشاري”، مونتاج “أحمد حافظ”، ومصممة الأزياء “ريم العدل”. تصميم الديكور “أحمد فايز”، مهندس صوت “أحمد عدنان”، منتج فني “ماجد يوسف”، و “كالويان فودينيشاروف” تصميم المعارك والحركة. والمنتج “موسى أبو طالب”.