كزبرة يرد على انتقاد محمد رمضان في منشور مطول عبر انستجرام

بالرغم من الكثير من الانتقادات التي تم توجيهها لمطرب المهرجانات الشاب “كزبرة” إلا أن الانتقاد الأخير هو ما جعله يتخذ قرارًا بالرد. حيث صدر ذلك الانتقاد عن الفنان “محمد رمضان” الذي علق بسخرة على “كزبرة” عندما تم توجيه سؤال له. حول تصريحات “كزبرة” التي أثارت الجدل فرد قائلاً: “كزبرة مين ده؟ إحنا في مكتبة مش في عطارة”.

كزبرة يعرب عن استيائه ومروره بأزمة نفسية

وعليه، فقد أعرب “كزبرة” عن استيائه من انتقاد “رمضان” له مشيرًا إلى أنه يمر بأزمة نفسية بسبب تلك التصريحات. حيث كتب “كزبرة” منشورًا عبر حسابه الشخصي على موقع تبادل الصور والفيديوهات إنستجرام. قال فيه: “أول حاجة الحمد لله على نعمة ربنا عليا وحبكم ورسائلكم الجميلة اللي بتوصلني. ورد الفعل الجميل منكم على فيلم الحريفة 2.. كلام كتير نفسي اقوله واعبر بيه ليكم”.

وتابع: “والله يجماعة الكلام ده نفسي اقوله من بدري بس حاسس ان ده وقته. انا مش عارف ليه كل لما انجح في ناس بتحاول تتطلع صورتي وحشة أنا بجد نفسيًا مبقتش قادر. وبقالي فتره كبيرة كل لما اعمل حاجة حلوة مبقتش عارف اتبسط بيها ونفسيا مش احسن حاجة”.

كزبرة لجمهوره : كل اللي يهمني اقدم حاجة تعجبكم

وأضاف “كزبرة” خلال منشوره: “ربنا اللي عالم الواحد كل اللي يهمه انه يقدم حاجة تعجبكم وتسعدكم. بس في ناس بتتعامل مع اللي بيقدم حاجة كوميدية علي اساس انه شخص تافه مش موهوب. والواحد عشان بيتعامل بطبيعته ومش بيتصنع بتحاولوا تشوفوا ازاي تطلعوا في عيب قدام جمهوره واخواته الي بيحبيوه .. زي ان يتنسبلي كلام مقلتهوش او يتقلل مني بحاجات قديمة عملتها”.

كزبرة : التريقة بتحول الإنسان الطيب لإنسان نرجسي

وأختتم “كزبرة” حديثه قائلًا: أحيانًا الكلام عليا بيوصل للتريقة على اسمي بمجرد ما بعمل حاجة حلوة وتعجبهم. انا مش عارف ليه وده السبب الي بيخلي إنسان طيب أول ما ينجح يتحول لإنسان عنده نقص وعنده حرب مع كل الي حواليه. زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع فانا يجماعة مش عايز اوصل للمرحلة دي”.

وتابع قائلاً: “أنا عايز ابقي إنسان طيب وفحالي واشتغل على نفسي واقدملكم فن يعجبكم ويبسطكم هو ده هدفي. فبلاش تتعاملوا مع الواحد بأسلوب هو مش حبه وشكرًا لكل واحد بيدعمني من قلبه وأي حد بيحب اللي بقدمه. أو حتى بينتقده بأسلوب كويس انتم اللي تهموني”.

وكان تعليق الفنان “محمد رمضان” في تصريحاته على تصريحات مطرب المهرجانات “كزبرة”، التي أثارت جدلاً كبيراً، حيث قال الأخير: “حبيبي لو زعلان، البحر هناك مليان”.