زوجة إبراهيم سعيد تكشف لـ”مشاهير” كواليس “رامز واكل الجو”

في تصريح خاص لموقع “مشاهير” كشفت “شهد” قرينة لاعب كرة القدم المصري إبراهيم سعيد، كواليس حلقته في برنامج المقالب “رامز واكل الجو”، والتي عرضت الاثنين الماضي 22 يونيو.

وقالت شهد لـ”مشاهير: بجد مقلب رامز ده بجد مفهوش أي اتفاقات ولا كنا نعرف.. وأنا كنت موجودة وأول ما الطيارة طلعت لقيت أستاذ عبد الحميد قالي مدام ليكي عندي مفاجأة.. قلتله إيه؟ قالي إنتوا في برنامج رامز جلال..

وفي تدوينة على حسابها الخاص على “فيسبوك”، أشارت “شهد” إلى أنها صمتت من شدة الصدمة، إلا أنها عادت وتذكرت أن سعيد يعاني من “فوبيا الطائرات”، وهو ما زاد قلقها..

وأضافت: اللي أنا عملته تنحت ومتكلمتش غير لما ركزت شوية كده والي طالع عليا أنا جوزي عنده فوبيا من الطيارات ممكن يموت منكم بجد..

وختمت مازحة: بس أنا فرحت فيه بصراحة..