مي كساب: أوكا ساذج وتعليمه متدني وهذا سبب مشاكله

دافعت النجمة المصرية مي كساب عن زوجها أوكا وصديقه أورتيغا بعد القبض عليهما بتهمة تزوير القيد العائلي وتهربهما من التجنيد مؤكدة أنهما بريئين وأن زوجها ساذج بسبب تعليمه المتدني، وأبدت ثقتها في القضاء العسكري الذي ينتظر قضية زوجها.

وكتبت مي، عبر حسابها الرسمي على إنستغرام: اللي يعرفني من قريب يعرف كويس إني عمري ما كرهت حد ولا عمري أذيت حد ولا عمري عملت تصرف مخل بالشرف ولا اتنازلت عن شرفي ولا كرامتي في يوم من الأيام، واستحملت ظلم كتير واضطهاد ومحسوبيات.

مي كساب تعيش أيام تعيسة بعد حبس أوكا

وأضافت مي في رسالتها المطولة : كنت طول الوقت بصبر نفسي بكلام أبويا الجميل اللي رباني على القناعة، كان دايما يقولي أنتي عاملة زي عسكري في الجيش كل شويه بيترقى بجهده وتعبه ويتنقل من سلاح لسلاح، أنا مريت بظروف صعبة كتير في حياتي بس للأسف بقالي 4 سنين مش باشوف يومين حلوين على بعض، أنا أعيش أقسى أيام حياتي من يوم 1 /12 /2012 يوم ما اكتشفت أن أمي عندها السرطان، وأنا مش مي أنا واحدة تايهة مش لاقية نفسها موت أمي كسرني، ومن بعدها أحداث كتير قوي وجعتني القريبين مني عارفين.

مي كساب في رسالة محبة لزوجها المسجون

أنا استحملت حاجات صعبة كتير اد إيه السنين اللي فاتت، بس الصراحة ده أصعب موقف اتحطيت فيه من يوم ما اتولدت مش عشان ده جوزي وحب عمري وإحساسي بعدم وجوده جنبي كان روحي متاخدة من جسمي، لا عشان متأكدة أنه مظلوم متأكدة إنه ضحية طيبته وسذاجته، وللاسف ضحية تعليمه المتواضع الضحل، ضحية ثقته الزيادة عن اللزوم في أي شخص يقرب منه ويضحك عليه ويقوله انا هاعملك ويوعده وعود كدابة وفي الآخر يستغله ويورطه، طبعا لما باتكلم عن محمد كأني باتكلم عن احمد كمان أوكا وأورتيجا روح واحدة في جسدين، ثقتي في رب العالمين كبيرة جدا أنه هينصرهم ويفك كربهم ثقتي في عدالة القضاء العسكري كبيرة انه مش هيظلمهم ثقتي في قلوبكم الرحيمة كبيرة إنكم هتقفوا جنبهم ادعولهم وادعموهم. 

يمكنك أيضا قراءة More from author