تفاصيل الفيديو المثير للجدل لبثينة ابنة علي الحجار وردها على الاتهامات بتعاطيها المخدرات
أثير جدلاً كبيرًا خلال الساعات القليلة الماضية بسبب انتشار مقطع فيديو لـ “بثينة” ابنة الفنان الكبير “علي الحجار”. تطلب من الناس أن يشتموا والدها مشيرة إلى أنها تعيش حالة صعبة مؤكدة احتياجها للمال وطلب مساعدته ولكنه رفض.
بثينة علي الحجار تطالب بشتيمة والدها: اشتموا فيه عشان خاطري هتاخدوا ثواب
ثم عادت “بثينة” وأوضحت أمر الفيديو مشيرة إلى أنه كان فيديو خاص بينها وبين أصدقائها، ولكن هناك من قام بتثريب الفيديو. والتي كانت قد أكدت خلاله أنها لم تأكل سوى “بقسماط” منذ 3 أيام هي وقططها، وتطلب من مشاهدي الفيديو بالتوجه بشتيمة والدها.
وقالت “بثينة” في الفيديو الأول: “مش عارفة أنا إزاي عايشة، إحنا عايشين إزاي يا جماعة، أنا مكلتش غير بقسماط من إمبارح أنا والقطط. كل شوية تحصل الفقرة دي”، متسائلة باستنكار وضحكة ساخرة: “هو مش أنا أبويا علي الحجار؟!. ممكن يا جماعة كلنا ندخل نشتمه على الأكونت بتاعه بليز اللي يقدر يعمل كده عنده بوت أكونت أو حاجة. خشوا اشتموا فيه عشان خاطري هتاخدوا ثواب والله العظيم أصل ده اختبار”.
بثينة علي الحجار توجه رسالة لوالدها: ربنا بيبعت للناس اختبار أنت معاك فلوس وريني هتعمل بيها إيه
وتابعت قائلة: “هو ربنا بيبعت للناس اختبار أنت معاك فلوس وريني هتعمل بيها إيه؟ .. ستات وريني هتعمل إيه بالستات؟، عيال .. هتعمل إيه بالعيال؟”.
بعد انتشار مقطع الفيديو انهالت الاتهامات على “بثينة” فهناك من اتهمها بأنها مدمنة وهناك من طالبها بالبحث عن عمل. فقررت “بثينة” الرد على تلك الاتهامات من خلال مقطع فيديو نشرته عبر حسابها على تطبيق تيك توك.
بثينة علي الحجار: الفيديو كان خاص واللي قلته كلام حاساه للأسف
وقالت في ردها: “أنا كنت على طبيعتي في الفيديو، مش عارفة ليه الناس داخلة تكتب حاجات مفترية، إنتي مدمنة وطريقتك مش عارفة ايه. أنا داخلة بتكلم مع صحابي عادي، بتكلم في الأوضة بتاعتي، الفيديو كان خاص أصلاً، اللي أنا قولته كلام أنا حساه للأسف. كان نفسي علاقتي تبقى كويسة مع عيلتي أو بابايا، بس ده غلطة من عندهم، أنا آسفة جدًا على الموضوع ده”.
بثينة علي الحجار: بلاش تظلموا واللي يقدر يساعد ويجيب لي شغل اتفضلوا
وتابعت “بثينة علي الحجار” قائلة: “بس ماتظلموش الناس، بطلوا افتراء يا جماعة، طب لو أنا شكلي مدمنة، طب ما تساعدوا؟. واللي بيقولوا خشي اشتغلي، أنا في فترة دلوقتي مش لاقية شغل، وتعبانة ومريت بحاجات خلتني تعبانة اكتر ومحدش يعرف الصحة بتاعتي عاملة ازاي. ولا هو يعرف أي حاجة، بطلوا تظلموا، وعلى فكرة اللي يقدر يساعد ويجيب لي شغل اتفضلوا، أنا بمثل وبكتب وبترجم. أنا بعرف أشتغل، وبطلوا تظلموا الناس وأتمنى أخد حقي”.
يذكر أن الفنان “علي الحجار” له سبعة أبناء من ستة زيجات.
