ياسمين عبد العزيز تقديم الأكشن في خلي بالك من نفسك خطوة جديدة والممثل لازم يعمل كل حاجة
تحدثت الفنانة والنجمة الكبيرة “ياسمين عبد العزيز” عن تجربتها في فيلمها الجديد “خلي بالك من نفسك”. مؤكدة أن العمل يمثل محطة مختلفة في مشوارها الفني، خاصة مع تقديمها لمشاهد أكشن إلى جانب الكوميديا.
ياسمين عبد العزيز عن خلي بالك من نفسك: تغيير عشان الناس ماتزهقش
وقالت “ياسمين عبد العزيز”، خلال لقاء لها مع برنامج “إي تي بالعربي”: “بعمل أكشن في “خلي بالك من نفسك” ده التغيير. عشان الناس متزهقش، أعمل دراما وكوميدي ورومانسي الممثل لازم يعمل كل حاجة”.
ياسمين عبد العزيز: زمان كنت باستخدم جسمي وريأكشناتي دلوقت ماينفعش
وأوضحت أن التنوع والتجديد هما السبيل للحفاظ على نجاح الفنان، مشيرة إلى أن الجمهور أصبح أكثر وعيًا في اختيار الأعمال التي يشاهدها. وأضافت: “الاستسهال أخرته مفيش حد بيكمل والجمهور ذكي مش هيدخل غير لما يسمع الفيلم حلو ولا وحش. هتستسهل هتلاقي وقتك خلص لكن هتنقي وتشتغل وتتعب وتفكر أن تجيب مواضيع جديدة، في حاجات كنت بعملها زمان مينفعش تتعمل دلوقتي. حتى الكوميدي اللي بعمله بتاع دلوقتي مش الكوميدي اللي كنت بعمله زمان، كنت زمان بستخدم جسمي وريأكشناتي. الجيل دلوقتي الضحك بتاعه اتغير”.
ياسمين عبد العزيز: الناس مش هتصدق أنا بحفظ حركات الأكشن في لحظتها
كما كشفت عن طريقتها في الاستعداد لمشاهد الحركة، مؤكدة أنها تتمتع بسرعة كبيرة في حفظ الحركات المطلوبة أثناء التصوير. وقالت: “الناس مش هتصدق أنا بحفظ حركات الأكشن في لحظتها وبعملها على طول حتى لو بعمل إعلان في استعراض أو رقص. بحفظ الحركات في لحظتها”.
أحداث فيلم خلي بالك من نفسك
وتدور أحداث فيلم “خلي بالك من نفسك” في إطار يجمع بين الأكشن والكوميديا والتشويق. حيث يجسد الفنان “أحمد السقا” شخصية تقدم نصائح عاطفية عبر برنامج إذاعي، قبل أن تنقلب حياته رأسًا على عقب. بعد سلسلة من المواقف غير المتوقعة.
ويشارك في بطولة الفيلم كل من “أحمد السقا” و “ياسمين عبد العزيز” و “لبلبة” و “محمد رضوان” و “مصطفى أبو سريع”. إلى جانب عدد من ضيوف الشرف، وهو من تأليف “شريف الليثي”، وإخراج “معتز التوني”.
