عمرو محمود ياسين يحذر من انتشار فيديوهات الذكاء الاصطناعي ويعلق على رسائل الأندرويد المجد للأندرويد ولا عزاء لعبيد التفاحة

بالرغم من مرور الهزة الأرضية التي وقعت في مصر مؤخرًا بسلام بدون أية خسائر، إلا أن هنالك الكثير من الجدل المثار حول الواقعة. والذي حذر منه الفنان والسيناريست “عمرو محمود ياسين” من خلال منشور له عبر حسابه الشخصي على موقع تبادل الصور والفيديوهات إنستجرام.

عمرو محمود ياسين يحذر متابعيه: نخلي بالنا في بوستات لانهيارات مباني معموله بالذكاء الاصطناعي

حيث وجه تحذيرات للجمهور مطالبًا إياهم بعدم الانسياق وراء كل ما ينشر من صور وفيديوهات عن الزلزال. لأنه قد يكون منها ما هو مولد بالذكاء الاصطناعي خاصة بعد الإعلان عن عدم وقوع خسائر جراء الزلزال.

وقال “عمرو محمود ياسين” في منشوره: “أولاً حمد الله على سلامة الجميع الحمد لله لحد دلوقتي مافيش أي أخبار سيئة. وإن شاء الله تكون عدت على خير وماحدش يقلق من التوابع لأنها بتكون أقل حدة من الزلزال الرئيسي. ونخلي بالنا في بوستات لانهيارات لمباني معموله “إيه أي” فا مانشاركش الكلام ده ونتاكد قبل الشير”.

عمرو محمود ياسين: المجد للأندرويد ولا عزاء لعبيد التفاحة

وتابع “عمرو محمود ياسين”: “أما التنبيه اللي وصل لناس وناس لا فالمجد للاندرويد ولا عزاء لعبيد التفاحة اللي ماسكين أيفون … تليفونك الأيفون مش بيقولك اللي بتتصل بيه مع ويتنج ولا لا .. مستني منه يقولك خلي بالك في زلزال؟. بس مش مهم المهم ان في تفاحة في ضهر الموبايل”.

عمرو محمود ياسين يوضح كيفية عمل الأندرويد للتحذير من الزلازل

وأضاف “عمرو محمود ياسين” قائلاً: “النقطة الأهم بقى هو الأندرويد مش بيتنبأ بالزلزال قبل حدوثه هو الزلزال بيكون بدأ بالفعل قرب مركزه. لكن أندرويد بيحاول تحذير الناس البعيدين قبل ما توصل لهم الهزة القوية طيب الحكاية دي بتحصل ازاي؟. الفكرة بسيطة جدًا معظم موبايلات أندرويد فيها حساس حركة لو في مجموعة كبيرة من الموبايلات في منطقة واحدة رصدت اهتزاز مشابه. بتيجي باعته إشارات لسيرفرات جوجل مع الموقع التقريبي”.

عمرو محمود ياسين: التحذير أحيانًا بيكون مفيد ويخليك تاخد حذرك

واستكمل “ياسين” منشوره قائلاً: “طبعًا جوجل مش بيعتمد على موبايل واحد لكن بيجمع بيانات عدد كبير من الموبايلات في المنطقة. ويحللها عشان يعرف ده زلزال فعلاً ولا إيه وفين وازاي ابتدى وايه قوته تقريبًا .. الاعتماد بيبقى على أجهزة كثيرة. عشان مايبقاش الموضوع مجرد حادث عارض لأجهزة وقعت مثلاً .. وبالطريقة دي بيحصل الموضوع بسرعة جدًا. وبيتبعت التحذير و ده أحيانًا بيكون مفيد ويخليك تاخد حذرك .. وربنا يسترها علينا جميعا ويحفظ مصر”.

ووقع زلزال شعر به سكان القاهرة الكبرى وعدد من المحافظات المجاورة، وبحسب معهد البحوث الفلكية كانت قوة الهزة الأرضية 5.5 بمقياس ريختر.