أحمد سعد يوجه رسالة جديدة لجمهوره توبت عن أي حاجة غريبة
جدد الفنان “أحمد سعد” اعتذاره لجمهوره بعد الجدل الذي صاحب إطلالاته الأخيرة. مؤكدًا أنه قرر الابتعاد عن أي مظهر أو تصرف قد يثير استياء محبيه. وذلك من خلال رسالة مصورة نشرها عبر حساباته الرسمية على مواقع التواصل الاجتماعي.
أحمد سعد يقص شعره ولحيته على الهواء مباشرة
وظهر “سعد” في الفيديو وهو يقوم بقص شعره وحلاقة لحيته، موجّهًا حديثه مباشرة إلى جمهوره، حيث قال: “جمهوري الحبيب الغالي أنا عايزكم تكونوا معايا في اللحظة اللي جاية دي، أنا خلاص توبت عن أي حاجة غريبة. مش هعمل أي حاجة غريبة أي حاجة تزعل جمهوري اللي بحبه وبيقعد يقولي لا أنت ليه عامل كده مش هعملها تاني”.
أحمد سعد لجمهوره: مش هلاقي الجمهور زعلان مني في حاجة وهاعملها
وتابع الفنان حديثه موضحًا أنه يدرك تساؤلات البعض بشأن تكرار اعتذاراته، قائلاً: “طبعا هتقولوا ليه هو كل شوية يعمل حاجات. ويرجع يعتذر ويرجع يقول سوري، مش مهم انتوا هتقولوا إيه المهم إن أنا مش هلاقي الجمهور زعلان مني. في أي حاجة تاني في حياتي وهعملها”.
أحمد سعد: مش عايز أعمل حاجات غريبة من النوع ده
وأكد “أحمد سعد” أنه أعاد النظر في بعض الأمور المتعلقة بحياته العامة وطريقة ظهوره أمام الجمهور، مضيفًا: “أنا طلعت وقولت إني مش مزعل ربنا لأني عرفت أن كل حاجة مش حرام ولكن أنا عايش في مجتمع. والمجتمع ده اعتقد أن العرف فيه مهم جدًا جدًا وهفضل طول عمري مش عايز أعمل حاجات غريبة من النوع ده. عايز أعيش في سلام وأبقى عادي إنسان طبيعي جدًا بس عادي كل مرة هقول سوري ومعلش هقول للناس تسامحني دايمًا. وربنا دايما بيقبل من أي حد بيبقى عايز يعيش في سلام، أحسن كتير أنك تعيش في سلام شيء مهم جدًا”.
أحمد سعد يطلب الصفح من جمهوره
واختتم رسالته بطلب الصفح من جمهوره، قائلاً: “عايز أقول للناس كلها اللي زعلت مني سامحوني للمرة العشرين ألف. بس أعمل إيه بتحبوني وبحبكم”.
وكان “أحمد سعد” قد لفت الأنظار مؤخرًا بعد ظهوره بإطلالة مختلفة اعتمد فيها على الشعر الطويل وارتداء بعض الحُلي. وهو ما أثار نقاشًا واسعًا بين متابعيه عبر مواقع التواصل الاجتماعي، قبل أن يعلن تراجعه عن هذه الإطلالة. ويؤكد تمسكه برأي جمهوره واحترامه لملاحظاتهم.
