بعد نجاح عين سحرية باسم سمرة يصرح بفكر في الاعتزال والناس مابقيتش سالكة

بعد النجاح الكبير الذي حققه خلال مشاركته في الموسم الرمضاني المنصرم 2026، كشف الفنان والنجم “باسم سمرة” عن تفكيره في الاعتزال. بالرغم من النجاح والمكانة التي وصل إليها، مشيرًا إلى أن العمل بالتمثيل أصبح مهمة شاقة وقاسية.

باسم سمرة: بفكر في الاعتزال الشغلانة صعبة والناس اللي حنا شغالين معاهم مش طيبين

حيث أصدر “سمرة” عدة تصريحات خلال حلوله ضيفًا على الإعلامي الكبير الدكتور “عمرو الليثي” في برنامجه “واحد من الناس”. الذي يعرض عبر شاشة قناة “الحياة”.

وقال “باسم سمرة” في تصريحاته: “بفكر في الاعتزال الشغلانة صعبة وقاسية جدًا ويا سلام لو مخلص حاجة حلوة وتوقف. يبقى أحلى من كده إيه، الناس مبقتش سالكة زي الأول، عايز أسافر واتفسح وأعمل حاجة تانية مختلفة. مش طيبين أوي الناس اللي إحنا شغالين معاهم”.

وأضاف: “الشغلانة بقيت صعبة لأن الناس تلاقيها أحضان وبوس والحقيقة هما مش كده وبتاخد وقت على ما تكتشف. طبع أو غيرة معرفش لكن أكيد مش حاجة حلوة، أنا أتمنى لكل الناس الخير وربنا يزيدهم في كل حاجة”.

باسم سمرة: أنا بحب الناس اللي مش منافقة واللي مش بيحبني هو اللي مش موهوب

وتابع “باسم سمرة” قائلاً: “أنا بحب الناس اللي مش منافقة اللي ملهاش وشين الناس الكريمة اللي بتحب الضحك. بحب أحمد عزمي وحمزة العيلي وأحمد وفيق وطارق لطفي ومحمود حميدة بحب الناس كلها، أما اللي مش بيحبي فهو اللي مش موهوب”.

واختتم “باسم سمرة” حديثه خلال اللقاء موضحًا إمكانية تقديم جزء ثاني من مسلسل “عين سحرية” حيث قال: “مفيش اتفاق. على أن يكون في جزء تاني من مسلسل “عين سحرية”، قضايا الفساد لا تنتهي بس ممكن آخرين يعملوها إحنا نعمل حاجة تاني. إحنا نعمل بتوع الفساد بقى عشان يبقى في تنوع”.

فريق عمل مسلسل عين سحرية

يذكر أن مسلسل “عين سحرية” من بطولة “عصام عمر” و “باسم سمرة” و “فيدرا” و “عمرو عبد الجليل” و “سما إبراهيم”. و “جنا الأشقر” و “فاتن سعيد” والمسلسل من تأليف “هشام هلال”، وإخراج “السدير مسعود”. وقد نافس النجم “باسم سمرة” من خلال مسلسل “عين سحرية” في موسم رمضان 2026 والذي عرض في النصف الأول من الشهر الكريم.