السدير مسعود مشهد العودة من الدفن من أصعب المشاهد وأداء عصام عمر ماكنش متفق عليه

حل المخرج السوري “السدير مسعود” ضيفًا على برنامج “نجوم رمضان أقربلك” من تقديم الإعلامية “إنجي علي” والذي يذاع عبر إذاعة نجوم إف إم. حيث تحدث خلال لقاءه عن أصعب المشاهد التي قدمها في مسلسل “عين سحرية” بطولة الفنان الشاب “عصام عمر”.

السدير مسعود: خفت على عصام عمر في مشهد وفاة والدته في “عين سحرية” وبكيت معاه

وقد حكى “السدير مسعود” عن كواليس تصوير أصعب المشاهد وهو مشهد وفاة “نوال” والدة “عادل” في “عين سحرية”. والذي عرض في النصف الأول من شهر رمضان الجاري وحقيق نجاحًا كبيرًا.

وقال “السدير مسعود” خلال لقاءه: “كان من أصعب المشاهد خفت على عصام عمر هو أتأثر أكتر من مرة وقت التصوير. وكنا بنوقف ويخرج يقعد برا ياخد نفس ويرجع تاني يكمل تصوير، وبكيت معاه وحسيت بكل حاجة بيحسها أنا بعتبر نفسي المشاهد الأول. وإذا محسيتش باللحظة دي يبقى في حاجة غلط”.

السدير مسعود عن أداء عصام عمر: جسمي قشعر والكل كانوا ساكتين عشان مايخرجش من المود

وأضاف: “مشهد الموت ومشهد عودته من الدفن دي من أصعب المشاهد في المسلسل ومشاهد قاسية، وأنا كمخرج بحب إعادة تصوير المشاهد أكتر من مرة. لكن في اللحظات دي صعب إنك تعيد المشهد لأنه في إحساس اللحظة الأولى للممثل، عصام عمر كان دايمًا مستجيب للإعادة. وفي لحظة سبت له الكاميرا لأني مؤمن أن الممثل في لحظات لازم تسيب له إحساسه”.

وتابع “السدير مسعود” قائلاً: “في المشهد لما بيرجع من الدفن وبيدخل لغرفة والدته “نوال” عصام عمر حط ايده على السرير. وده مكنش متفق عليه في اللحظة دي أنا جسمي قشعر وكل الموجودين كانوا ساكتين مش بيتكلموا عشان ميخرجش من المود اللي دخل فيه”.

السدير مسعود عن عصام عمر: هو شخص ذكي جدًا عارف هو عايز إيه

واستكمل “السدير مسعود” حديثه عن النجم “عصم عمر” قائلاً: “عصام عمر عنده استيعاب كبير لفكرة الشراكة. عارف أن المشروع هو مش بس ليه هو لكل الناس اللي مشاركة فيه، مرحب دائمًا بفكرة الإعادة وأننا نوصل لحل أفضل. وهو شخص ذكي جدًا عارف هو عايز إيه وعايز يوصل للشارع إيه دخلنا في نقاشات كتيرة حول إحنا عايزين إيه من شخصية “عادل”. ده الشيء اللي خلانا نوصل لنتيجة مرضية جدًا واستعمت بالشغل معاه حسيت إني مع أخويا”.

فريق عمل مسلسل عين سحرية

يذكر أن مسلسل “عين سحرية” بطولة النجم “عصام عمر” والفنان “باسم سمرة”، بمشاركة كل من “فيدرا” و “عمرو عبد الجليل”. و “سما إبراهيم” و “جنا الأشقر” و “فاتن سعيد”، والمسلسل من تأليف “هشام هلال”، وإخراج “السدير مسعود”.