مرض مناعي نادر سبب حركة محمد يوسف أوزو الغير طبيعية في صحاب الأرض

بعد ظهور الفنان “محمد يوسف” الشهير بـ “أوزو” في مسلسل “صحاب الأرض” بهيئة مختلفة، تعرض الممثل المصري للكثير من الانتقادات. من قبل رواد مواقع التواصل الاجتماعي تعقيبًا على طريقة المشي التي يستخدمها في المسلسل.

محمد يوسف أوزو يرد على الانتقادات الموجهة له بسبب مشيته في صحاب الأرض

وقد رد “أوزو” على تلك الانتقادات من خلال منشور نشره عبر حسابه الشخصي على موقع التواصل الاجتماعي فيسبوك. يوضح من خلاله أنه مصاب بمرض مناعي نادر وليس له علاج ويدعى “التهاب الفقرات التصلبي”.

وقال “محمد يوسف أوزو” في منشوره: “بسم الله الرحمن الرحيم، اسمي محمد يوسف محمد شرف، والشهرة أوزو. أنا بشوف تعليقات كتير على موضوع ضهري، والله بصوا يا جماعة أنا فعليًا من النوعية اللي مبحبش الصعبانيات. ولا عمري حبيت أكسب تعاطف الناس والجو الرخيص ده، وكتير من الناس غير القريبين مني ميعرفش موضوع المرض اللي عندي .. أنا عندي مرض مناعي نادر اسمه (التهاب الفقرات التصلبي)”.

قائمة انتظار وطبيب غير مهتم أسباب تأخر محمد يوسف أوزو عن إجراء عملية جراحية خطيرة

وأضاف “محمد يوسف”: “المرض ده مالوش علاج، وكل اللى أقدر أعمله أخد العلاج البيولوجي بتاعي، عشان يبقى الحال على ما هو عليه. وحتى حاولت اروح لدكتور متخصص عشان اعمل عملية تجميل .. ومن كتر ما هو دكتور مشغول راح معايا دكتور أشرف زكي. ودخلت له بعد 8 ساعات انتظار في العيادة، والباشا كشف وقالي تعالى بعد سنة .. والعملية دي هتحتاج من 4 لـ 6 شهور بعدها عشان ارجع طبيعي”.

محمد يوسف: أنا من كتر الألم المخ بطل يبعت إشارات بالألم

وتابع “أوزو” قائلاً: “طب السؤال هنا، هل أنا مش عاوز اعملها؟ لا عاوز أعملها، بس أكيد مع دكتور مهتم بحالتي. مش بيشوف جدوله فاضي امتي .. هل مش مسببالي تعب؟ أنا من كتر الألم المخ بطل يبعت إشارات بالألم .. طب هل أنا مابسعاش اني أحسن ده؟” لما ربنا بيكرم بروح أعمل علاج طبيعي مانيوال وعلاج مائي، بالمناسبة العلاج الطبيعي المانيوال ده عذاب .. فطبعًا، أنا اسف لو حضرتك مش عاجبك مشيتي أو شكل ضهري، بس والله ده مش هعرف اعمل حاجة فيه لحد ما ربنا يأذن .. آسف للإطالة بس وجب التوضيح، ورغم كل ده الحمد لله رب العالمين على كل حال”.

فريق عمل مسلسل صحاب الأرض

يذكر أن مسلسل “صحاب الأرض” يضم مجموعة كبيرة من أبرز الفنانين والنجوم ومنهم “إياد نصار” و “منة شلبي”. و “كامل الباشا” و “عصام السقا” و “تارا عبود” و “ريم رأفت” و “آدم البكري” و “سارة يوسف”. وعدد آخر من الفنانين وهو من تأليف “عمار صبري”، وإخراج “بيتر ميمي”.