أحمد سعد يكشف خبايا برنامج ذا فويس في سياسات وثقافات أكبر من بساطتي وشفافيتي مع جمهوري

بعد الجدل الذي أثير بسبب تصريحه أنه خدع في برنامج “ذا فويس” الذي انتهى بفوز “جودي شاهين” من فريق “رحمة رياض”. خرج الفنان والمطرب المصري “أحمد سعد” ليوضح مقصده من ذلك التصريح وكيف تم خداعه.

أحمد سعد يوضح سبب تصريحه بأنه تم خداعه في ذا فويس

حيث قال النجم “أحمد سعد” في رسالة مسجلة: “كل الناس عمالة تسألني من امبارح عشان التصريح اللي انا قولته على ذا فويس واني اتخدعت. انا مش طالع اتكلم على أي حاجة، أنا بكن كل الاحترام على كل القائمين على البرنامج. وكل الناس اللي اشتركت من أصغر واحد لأكبر حد، ودا مالوش علاقة خالص بالشخصيات أو بالصناع. أنا بس طالع اتكلم عن نفسي أنا، عني أنا شخصيًا”.

أحمد سعد: اخترت اختيارات مش بإرادتي وفي حاجات ماينفعش أحكيها

وأضاف: “الناس هتقول ان أنا لو كنت كسبت كانت الناس هتقول أنا اتخدعت، الموضوع مالوش علاقة بالمكسب والخسارة. كل اللي كسب يستحق، أنا بتكلم عن الغلطات اللي انا عملتها في حق نفسي وحق جمهوري، زي أحمد عوادي. أنا بقالي اكتر من شهر بتشتم بس من الجمهور اليمني، كل الحب والتقدير ليهم مع إن في ناس غلطت فيا بشكل غير مقبول. ولكن في النهاية برجع واقول لهم عندكم حق أنا غلطت، غلطت في اختيارات كتير جدًا مكنش المفروض اعمل كدة”.

وتابع “أحمد سعد” قائلاً: “محتاج اقول لجمهوري أنا اتخدعت، أنا اخترت اختيارات مش كلها بإرادتي الكاملة. في مناخات وحاجات ماينفعش اقولها واحكيها وليها علاقة بالشغل وأدبيات الشغل، مكنش لي ذنب، ولو اتعاد عليا الزمن الف مرة. كان في ناس زي احمد عوادي وناس تانيين، كان ممكن اختارها بشكل انزه بالنسبة لي انا كشخصيتي أنا، واللي حصل حصل”.

أحمد سعد عن مشاركته في ذا فويس: مكنش المفروض اشترك في التجربة دي أصلاً

وأنهى “سعد” رسالته قائلاً: “وأنا بصراحة مكنش المفروض اشترك في التجربة دي أصلاً، التجربة ليها كل الحب والتقدير وقد ايه هي عظيمة. بس بتكلم عن شخصيتي أنا وحبي للجمهور وماكنتش مناسبة ليا انا واني لازم اظلم حد على حساب حد. واقول حاجة على حساب حاجة وإن أطلب حاجة في سياسيات وثقافات اكبر من بساطتي وحبي لجمهوري وشفافيتي مع جمهوري. وعشان كدة بعتذر، ولكن مش بغلط في أي حد ولا بقول على أي حد إنه عمل حاجة غير لائقة أو غير قانونية”.

أحمد سعد: كل الحب والتقدير لصناع ذا فويس بس أنا اتخدعت

يذكر أن “أحمد سعد” كان قد أطلق تصريحات في وقت سابق خلال مؤتمر صحفي أقيم على هامش حفله في الرياض. حيث قال في تصريحاته: “بصراحة كل الحب والتقدير لكل صناع “ذا فويس” وكل الحب والتقدير لجودي اللي كسبت. وأنا مابقولش مين يستحق ومين ميستحقش بس أنا يعني شبه اتخدعت”.

وتابع “أحمد سعد”: “حساباتي مكانتش ماشية بالشكل ده ومكنش التنظيم ماشي بالشكل ده كان بيصب على حاجة معينة. اتخدعت بصراحة ومش هقدر أقول تفاصيل أكتر مش في إيدي”.