بيتر ميمي يوضح تفاصيل كواليس الحشاشين وأسباب استخدام العامية في المسلسل

الكثير من الجدل تمت إثارته بين رواد مواقع التواصل الاجتماعي حول مسلسل “الحشاشين” الذي بدأ عرضه على الشاشات مع بداية شهر رمضان الكريم.

ودار الجدل المثار حول اللغة المستخدمة في مسلسل “الحشاشين” حيث لا يتحدث أبطاله اللغة العربية الفصحى كما هو المعتاد في المسلسلات التاريخية.

بيتر ميمي يرد على الجدل المثار حول الحشاشين

بل إنهم يتحدثون العامية المصرية كأنهم في عصرنا الحالي. وبعد كل التساؤلات والانتقادات التي وجهت للمسلسل سواء فيما يخص اللغة أو ما يخص أحداث المسلسل بشكل عام. قرر المخرج “بيتر ميمي” مخرج العمل الخروج والرد على كافة تلك التساؤلات من خلال حسابه الشخصي على موقع التواصل الاجتماعي فيسبوك.

حيث كتب منشورًا قال فيه: “طيب كل سنة وأنتم طيبين .. مع إني مكنتش حابب اتكلم علشان دول كلهم 4 حلقات. مبدأيا المسلسل من وحي التاريخ وده مكتوب نصًا في التترات يعني مش وثيقة تاريخية لكنه دراما تاريخية”.

وأضاف: “هو تارنتينو لما قتل هتلر في السينما كان حقيقة؟ أو نابليون في فيلم ريدلي سكوت الأخير هل ده نابليون اللي في كتب التاريخ؟ ديه دراما تاريخية”.

بيتر ميمي حاولنا نعمل عالم ماشوفناهوش قبل كدة

وتابع: “حاولنا نعمل خيال تصويري لفترة من الفترات لكن في شكل درامي .. لكن رجعنا في الديكور والملابس لمراجع كتيرة ونادرة علشان نعمل عالم ماشوفناهوش قبل كده. وميكنش شبه أفلام أو مسلسلات عالمية”.

واستكمل قائلاً: “هل ده حسن الصباح؟ مفيش كتاب اتفق على حسن الصباح لأن المغول حرقوا القلعة وكتبه وأفكاره والمجهود اجتهاد ماركو بولو أو فلادمير بارتول أو برنارد لويس أو فرهاد دفتري … وكتير جدًا”.

“حسن الصباح” كان بيعمل معجزات؟ لا طبعا!!! وده تباعاً مع الحلقات هيتفهم”.

واستكمل “ميمي” كلامه قائلاً: “الحشاشين مسلسل تاريخي بالعامية المصرية .. الاحداث بيت اتراك وفرس .. لما عملوه الاتراك اتكلموا تركي ولما عملوه الامريكان بيتكلموا انجليزي .. احنا عاملينه في مصر والترجمة موجودة في كل بلد.. المسلسل بيتعرض في روسيا وأمريكا واكتر من بلد كل بلد بلغتها ..هم الڤيكنجز كانوا بيتكلموا انجليزي؟ ولا ويليام والاس كان بيتكلم اللكنة الامريكية”.

“ليه حسن الصباح؟ حسن الصباح شخصية فذة وغريبة ومستفزة أنك تعرف عنها .. مش لازم يكون رمز للخير علشان يتعمله مسلسل. هتلر وراسبوتين كانوا في منتهى الشر لكنهم شخصيات فذة غيرت العالم.. أو على مستوانا المصري خط الصعيد أو سفاح إسكندرية”.

بيتر ميمي يوضح تفاصيل الحشاشين

وتابع: “حاجات صغيرة، أم الخليفة رصد كانت نوبية الأصل، إسكندرية مدينة في مصر .. لأن في مدن كتير باسم إسكندرية حوالين العالم .. لزم التوضيح للترجمة لأن فيه غير مصريين بيتفرجوا على المسلسل”.

مجاعة القاهرة الفاطمية مثبوتة تاريخيًا لكن تعددت أشكالها حسب المصادر وهي على فكرة كانت قبل وصول حسن بفترة مش بعيدة بس ديه دراما (من وحي التاريخ).

ما تسمى بمعجزات حسن الصباح مقصود تتصور بالشكل ده و ده هيبان تباعًا وخصوصًا مشهد الراوي حلقة 8. عم ملك شاه اتقتل بوتر القوس لأن ده كان عرف وتقليد.

مين الست اللي بتظهر لحسن الصباح؟ ده في حلقة 30 بقى لو ربنا أدانا عمر”.

وأنهي “ميمي” حديثه قائلاً: “كل سنة وأنتم طيبين وسعيد أن المسلسل خلاكم تقروا وتسألوا .. وشوية شوية هتفهموا المسلسل.

“صحصحوا معانا كده يا شباب خلونا نعمل شكل جديد .. وتبقى بداية ومع الوقت يتعمل أفضل وأكبر وأحسن من اللي إحنا عاملينه .. ومع الوقت ننافس”.

فريق عمل مسلسل الحشاشين

المسلسل بطولة “كريم عبد العزيز” و “فتحي عبد الوهاب” و “نيقولا معوض” و “ميرنا نور الدين” و “أحمد عيد”، تأليف “عبد الرحيم كمال”، وإخراج “بيتر ميمي”.