البلوجر سارة محمد تتحدث لأول مرة بعد فقدها البصر نهائيا
ظهرت البلوجر الشهيرة سارة محمد في أول فيديو لتقديم مكاسبها من محنة فقدان البصر نهائيا، وقالت إن الأزمة عرفتها “معادن الناس” ومن الذي يحبها بصدق، ومن كان يتودد إليها من أجل الشهرة، وأكدت أن الإعاقة البصرية لن تمنعها من مواصلة تحقيق أحلامها.
وأضافت سارة في مقطع فيديو شاركته عبر حسابها الرسمي بموقع الفيس بوك، ظهرت فيه برفقة صديقة لها: إن الإنسان يكون كفيف مش معناه إنه يكون عنده إعاقة إحنا نقدر نعمل كل حاجة والأعمى الحقيقي أعمى القلب”.
وتابعت: “بعد اللي حصلي قدرت أعرف معادن الناس كويس جدا ومين اللي بيحبني واللي كان بيشتغلني”
وبعدها ظهرت وهي في أحضان صديقتها وتغني لها أغنية أجدع صحاب، ووجهت صديقتها رسالة مؤثرة لها، قالت فيها: سارة جميلة جدا ومفيش أي حاجة اتغيرت فيها والناس كلها بتحبها، وهي حبيبتي وصحبتي وأغلى حاجة في حياتي وأنا جنبك مهما حصل ومش هسيبك أبدا، ومامتك جميلة، الدنيا دي مش حاجة دي دار اختبار وهتدخلي الجنة من غير حساب ودي نعمة من نعم ربنا عليك”.
وسبق أن كشفت البلوجر سارة محمد عن تفاصيل حياتها بعد الحادثة التي تعرضت لها وإصابتها بالعمى، مؤكدة رضاها بكل ما كتب عليها من تغيرات صادمة في حياتها، وتمنت فقط أن تتوقف حملة الشائعات التي تلاحقها، وأشارت إلى أن حالتها النفسية تحسنت قليلا بعد حملة الدعم المتداولة حاليا على مواقع التواصل الاجتماعي، كما توجهت برسالة لمرتكبي الحادث.
وأضافت سارة في لقاء مسجل ببرنامج صبايا الشمس مع المذيعة ريهام سعيد، عرض بعد ساعات قليلة من إعلان فقدانها البصر نهائيا: أكتر حاجة مقوياني دعمكم ليا النفسي، وأنا راضية باللي ربنا قسمهولي، بس اللي أنا بقوله أن اللي أذوني دول بني آدم شبهي، ولغاية دلوقتي محدش جه قالي دول نزلوا صور اللي عمل كدا.
وواصلت قائلة: مش عايزة أقول أي حاجة، بس خلاص بقى بطلوا تتكلموا عني وتطلعوا إشاعات، أنا رافضة أني أقول أي حاجة، وبشكر كل الناس اللي بتدعمني وبتقول كلام كويس، وبقولهم انتوا حسنتولي نفسيتي كتير، ومكنتش متخيلة أني هلاقي ناس كتير كدا بتحبني ومهتمة بمرضي.
