محمود سعد يوضح كواليس حلقته مع دكتور ضياء العوضي ويكشف سبب حذفها من مواقع التواصل الاجتماعي

بعد الجدل الكبير الذي أثير خلال الأيام الماضية بسبب حلقة الإعلامي الكبير “محمود سعد” مع الدكتور الراحل “ضياء العوضي”. وحذف الحلقة من حسابات “محمود سعد”، قرر الأخير الرد على ما أثير من جدل بين معجب بحلقته ومعارض لاستضافته “العوضي”. وترويجه لنظامه.

محمود سعد عن حلقته مع ضياء العوضي: مكنتش ضده ولا معاه أنا قلت أنه بيقول كلام مهم

حيث رد “محمود سعد” من خلال بث مباشر عبر صفحته الشخصية على موقع التواصل الاجتماعي فيسبوك رد من خلاله على أسئلة الجمهور. حيث قال فيه: “أنا مكنتش ضده ولا معاه هو واحد بيطرح طرح وبنقول نستنى ونفهم، الدكتور بيقول حاجات كتير. في حاجات لازم نقف عندها، أنا في الآخر قلت أنه بيقول كلام مهم وأهميته بترجع أن في 750 ألف واحد على الصفحة بتاعته. وبيتعالجوا عنده وبالتالي ده كلام بيتنفذ وقلت الدكاترة تشوف وخرجت من الأمر وخلاص”.

محمود سعد عن دكتور ضياء العوضي: هاجمني بعد الحلقة بسبب اختلافنا

وأضاف: “بعدها بيومين تلاتة هاجمني لأننا بعد التسجيل اختلفنا كتير قلت أنا مفيش خلاف بيني وبينه بيعمل تغذية يعمل زي ما هو عايز. لكن خلي بالكم محدش يبطل دواء إلا بتعليمات الدكتور اللي بتتعالج عنده”.

وتابع “محمود سعد” قائلاً: “الحكاية عماله تكبر وأنا قرأت التاريخ ومتأكد أن التاريخ كل لحظة بيعيدها والناس مش بتتعلم. اللي بيحصل ده حصل مرة واتنين وآلاف المرات اللي هو الرأي وتلاقي الناس بتقوله طيب إحنا سمعنا أو شفنا”.

محمود سعد: اللي بيحصل ده أمر محزن ومابقيتش فاهم إيه المطلوب

واستكمل: “في ناس بتقول إني كنت ضد ضياء العوضي وناس بتقولي إني دلعته على الآخر ودا مكتوب في السوشيال ميديا. أنا مبقتش عارف إيه القصة ولا فاهم إيه المطلوب لكن فاهم حاجة واحدة بس إن اللي بيحصل دا أمر محزن. ورغم إنه شايفه حصل في التاريخ كتير لكن الدنيا اتطورت أوي العالم بيطير وإحنا بنرجع”.

يذكر أن الإعلامي الكبير “محمود سعد” كان قد استضاف الدكتور الراحل “ضياء العوضي” في برنامجه. الذي يقدمه عبر حساباته في مواقع التواصل الاجتماعي عام 2023، وقد عادت الحلقة للتريند من جديد بعد وفاة “العوضي”.

محمود سعد يكشف سبب حذف حلقته مع ضياء العوضي

ومن الجدير بالذكر، أنه قد تم حذف الحلقة حاليًا وكشف “محمود سعد” عن السبب. قائلاً: “بناء على اتصال من السادة مسؤولي المجلس الأعلى لتنظيم الإعلام تم حذف فيديو حلقة د. ضياء العوضي من قناة اليوتيوب. التزامًا بقرار المجلس بمنع نشر أو تداول أي مقاطع مصورة أو مسموعة أو مقروءة للدكتور ضياء العوضي”.