آسر ياسين يرد على انتقادات الفراخ والجمبري

حل الفنان والنجم “آسر ياسين” ضيفًا على برنامج “إي تي بالعربي” مؤخرًا حيث رد خلال لقاؤه على الانتقادات التي وجهت له. بعد حلوله ضيفًا على بودكاست “حوارات مع عباس” الذي يقدمه الفنان “عباس أبو الحسن”.

آسر ياسين يرد على الانتقادات التي وجهت له بسبب تصريح الجمبري والفراخ

حيث كتبت العديد من التعليقات السلبية عبر مواقع التواصل الاجتماعي بسبب تصريحاته خلال لقاؤه مع “عباس أبو الحسن”. وحديثه عن الصعاب التي واجهها في بداياته الفنية.

وأوضح “آسر ياسين” أن ما نشر عبر مواقع التواصل الاجتماعي هو جزء من حديثه فقط، وأن هذا الأمر أصبح رائجًا. بسبب صفحات تبحث عن التريند.

آسر ياسين: انت مادوقتش الفراخ والجمبري اللي أنا قلتهم أنت متعرفش تفرق أصلاً بينهم

ورد “ياسين” على الانتقادات المتداولة قائلاً: “للأسف في دلوقتي صفحات كتيرة جدًا بتمسك جزء من الانترفيو وتلخصه في جملة معينة. ويبتدي يتحور منها الموضوع، الناس بتتكلم عن “الفراخ والجمبري” ومعندوش غير ده كمعاناته يعني، شكرًا للناس اللي اختصرت ده كله في الحتة دي. بس مش دي الرسالة ورا الموضوع ده و والله لو كانت معاناتي “فراخ وجمبري” يبقى أنا محظوظ جدًا. بس برضو مش ده اللي كنت بقوله خالص وأنت مدوقتش الفراخ والجمبري اللي أنا قلتهم متعرفش تفرق أصلاً بين الفراخ والجمبري”.

آسر ياسين: أتمنى الناس تشوف الانترفيو وتقيم هي بنفسها

وتابع “آسر ياسين” رده قائلاً: “الحمد لله على كل شيء، أتمنى الناس تشوف الانترفيو وتقيم هي بنفسها بعيدًا عن فكرة أننا نلخص الحاجات. وده مش بيحصل معايا أنا بس بيحصل مع الناس كلها”.

واختتم “آسر ياسين” حديثه قائلاً: “عشان الناس تبقى عارفة في صفحات كتيرة جدًا مبنية على “ترافيك” أن هو يمسك حاجة من أي انترفيو. ويبتدي يحورها بشكل ما عشان يعمل فلوس الموضوع بالنسبة ليا فاسد، اللي عايز يمشي مع ده يمشي واللي عايز يسمع الانترفيو يسمع”.

تصريحات آسر ياسين المثيرة للجدل مع عباس أبو الحسن

وكانت التصريحات التي أطلقها “آسر ياسين” خلال لقاؤه مع “عباس أبو الحسن” متعلقة ببداياته الفنية والصعوبات التي واجهها. حيث ضرب مثالاً بفترة مشاركته في الأعمال الفنية قبل الشهرة حيث قال: “أنت رايح لوكيشن تصوير ومحدش يعرف عنك أي حاجة. وفاكر أنك هتبقى عمر الشريف اللي جاي، في أوضة فيها 15 واحد كلنا قاعدين اللبس بيترمي كده قدامك ألحق ألبس. محدش عرفك لسه، طيب أنا عايز أكل في البريك تروح تقف على عربية البريك ويقولك في “جمبري أو فراخ”. وبعدين تطلب جمبري ويقولك مفيش غير فراخ”.