لقاء مثير مع باسم يوسف يكشف من خلاله ردود الأفعال المتضاربة على محتواه قديمًا وحديثًا

كشف الإعلامي المميز “باسم يوسف” عن ردود الأفعال التي تلقاها على الحلقة الأولى من لقاؤه مع الإعلامي “أحمد سالم”. ضمن سلسلة الحلقات التي كان قد تم الإعلان عنها من قبل من خلال برنامج “كلمة أخيرة”.

ردود الأفعال أضحكته والجمهور يتساءل أين باسم يوسف

حيث أكد “يوسف” أن هناك العديد من ردود الأفعال المختلفة والتي كان يتوقعها. حيث قال خلال لقاءه في الحلقة الثانية. من البرنامج: “فيه ردود أفعال كتير، وكنت متوقع يكون فيه ردود أفعال مختلفة، لكن أكتر حاجة مش هقول ضحكتني، هقول استغربتها. يقولك إيه ده! ده مش باسم، باسم اتغير مش زي ما هو .. معلش يعني كلنا أخبارنا إيه؟. .. 11 سنة عدت على الناس كلها والناس هتفضل زي ما هي!”.

وتابع “باسم يوسف” قائلاً: “أيوة أنا معدتش باسم بتاع 2011 أنا واحد عنده 51 سنة، عندي حياة مختلفة وظروف مختلفة. وأفكار مختلفة ومستمتع إني بتغير وبتعلم حاجات كتير .. مصر نفسها بتتغير والظروف والأحاسيس بتتغير”.

باسم يوسف: الناس مش عاوزة باسم ولا البرنامج، الناس عاوزة تشوف الترمومتر رايح فين

وأضاف “باسم يوسف”: “أنا مقدر وممتن إن الناس عايزة باسم بتاع البرنامج، وفي الحقيقة الناس مش عاوزة باسم ولا البرنامج. الناس عاوزة تشوف الترمومتر رايح فين، واللقاء رايح فين، والاتجاه رايح فين .. هيتكلم ولا لا؟ هيقول ولا لا؟ .. لأسباب تانية بره البرنامج”.

إلا أن هناك بعض ردود الأفعال التي كانت غريبة بالنسبة لـ باسم يوسف” والتي اتهمته بالتعاطف مع فلسطين بدافع شخصي. بسبب أن زوجته فلسطينية!.

ورد “باسم يوسف” على هذا الاتهام قائلاً: “أنا والله مش فاهم يعني إيه دافع شخصي، يعني ملايين الناس حوالين العالم. اللي نزلت تتظاهر وبتصرخ كل يوم في الإنترنت وبتعمل فيديوهات وتركب قوارب، مش معقول كل ده دافعهم شخصي”.

باسم يوسف يرد على اتهامه بالتعاطف مع فلسطين بدافع شخصي: يمكن الدافع الشخصي إنك تحس إن انت بني آدم

وتابع “باسم يوسف” قائلاً: “يمكن الدافع الشخصي إنك تحس إن انت بني آدم بتقول كلمة مع الحق، مراتي باباها فلسطيني. ومامتها من المنصورة، أهل والدها كانوا في غزة طبعًا فكنا يمكن قريبين من الأحداث، لكن مراتي لو عليها نفسها أبطل أطلع أتكلم في الإعلام”.

وتطرق “باسم يوسف” خلال حديثه إلى الهجوم وردود الأفعال السلبية التي كان يواجهها قديمًا أثناء تقديمه محتوى على اليوتيوب. حيث قال: “مامتي الله يرحمها قالتي علمني أدخل يوتيوب عشان أتفرج على فيديوهاتك، علمتها وكانت أسوأ غلطة عملتها”.

باسم يوسف: والدتي اتشتمت في بيتها لمجرد ان ابنها بيعمل محتوى على اليوتيوب

وتابع قائلاً: “قالت لي: يا باسم، الناس بتشتمني، وكانت زعلانة جدًا، بني آدمة طبيعية شافت ناس بتشتمها وهي في بيتها. لمجرد إنها أم واحد بيعمل محتوى يوتيوب، معرفتش تستمتع بالبرنامج بتاعي”.