مي عمر توجه رسالة نارية إحنا شطار جدًا في إننا نحرّم على غيرنا حاجة كفاية تنظير وفزلكة

وجهت الفنانة “مي عمر” رسالة غير مباشرة لأحد زملاءها بالوسط الفني. تعبر خلالها عن استياءها من طريقته في السخرية من الطريقة التي يعبر عنها النجوم والفنانين عن تصدر أحد أعمالهم للتريند.

مي عمر توجه رسالة لأحد زملاءها ممن ينتقدون التريند

حيث أشارت “مي عمر” إلى أن الشخص ذاته عبر عن سعادته عند دخول أحد أعماله التريند مؤخرًا.

وكانت رسالة “مي عمر” عبارة عن منشور كتبته عبر حسابها الشخصي على موقع التواصل الاجتماعي فيسبوك. قالت فيه: “زميل (مش ممثل) ، وكنت بعتبره صديق، طلع في رمضان كتب بوست بيتريق فيه على الناس اللي بتفرح. وتشارك إنها ترند رقم واحد، والبوست كان كله بقى: “الترند مش هدف الشغلانة، وإحنا بنشتغل عشان الفن مش الأرقام”.

مي عمر تنتقد أحد زملاءها: كلام تنظير وفزلكة على أعلى مستوى

وأضافت قائلة: “كلام تنظير وفزلكة على أعلى مستوى، وأنا ساعتها قلت مش هرد، وكنت سايبة الأيام تكشف. عشان كنت عارفة إن عنده مسلسل هيتذاع أوف سيزون. وأول ما يقرب من أي ترند حتى لو دخل رقم عشرة نص ساعة. هيبقى مش مصدق نفسه وهيقعد يشارك ويحتفل كأنه فتح القدس، وفعلاً مكدبش خبر!. أول ما مسلسله دخل التريند، بقى بيشارك فرحان إنه “رقم واحد”. الله! هو الترند كان وحش في رمضان وبقى جميل دلوقتي؟”.

مي عمر: أنا مش ضد أي حد يفرح بنجاحه

وتابعت: “طبعا أنا مش ضد إن أي حد يفرح بنجاحه. بالعكس مبروك والله، ومن حقك تفرح وتشارك لإن ده تعبك ومجهودك. بس ياريت نبطل المنظر بتاع: أنا مختلف، أنا فوق الترندات، وبعد كده أول ما نقرب منها نطير من الفرح وننشر 20 ستوري”.

واستكملت “مي عمر” منشورها قائلة: “وأنا عارفة إن أي حد يعرفني كويس هيستغرب من كلامي، لأني عمري ما رديت على حد. بس بجد ليه إحنا شطار جدًا في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟. في الآخر الترند مش هدف، غير لما يبقى معانا”.

واختتمت “مي عمر” قائلة: “للتوضيح، كلامي مش موجّه لأي نجوم شاركوا في العمل بالعكس أنا بقدّرهم وباحترمهم علشان ماحدش يفهمني غلط”.

آخر أعمال مي عمر

يذكر أن آخر أعمال الفنانة “مي عمر” كان مسلسل “إش إش”، والذي شاركت به خلال الموسم الرمضاني الماضي 2025.

وقد شاركها بطولته عدد كبير من النجوم والنجمات على رأسهم الفنان الكبير “ماجد المصري”، بالإضافة إلى كل من “انتصار”، “إدوارد”. “هالة صدقي”، “دينا”، “شيماء سيف”، “طارق النهري”، “عصام السقا”، “علاء مرسي”، “محمد الشرنوبي”، “ندى موسى”، “إيهاب فهمي”، “حمدي هيكل”. “أحمد عبد الله”، وعدد من ضيوف الشرف وهم: “محمد ممدوح”، “خالد الصاوي”، “كريم فهمي”، “محمد عبد الرحمن”، و “أحمد زاهر”. والعمل من تأليف وإخراج “محمد سامي”.