بسمة بوسيل تتحدث عن تامر حسني عرفته وانا صغيرة ونضجت معاه وهو شخصية مهمة في حياتي

حلت الفنانة “بسمة بوسيل” ضيفة على برنامج “أجمد 7 الساعة 7” الذي يذاع عبر إذاعة نجوم إف إم من تقديم الإعلامية “جيهان عبد الله”.

بسمة بوسيل: تامر حسني شاطر أوي في شغله واتعلمت منه حاجات كتير

وتحدثت “بوسيل” خلال لقاءها عن علاقتها بزوجها السابق الفنان “تامر حسني” وتأثرها به مؤكدة أنه أضاف لها الكثير على المستوى الشخصي والفني.

وأضافت “بسمة بوسيل” قائلة: “تامر حسني أضاف لي كتير أنا اتعلمت منه حاجات كتير جدًا عشان هو شاطر أوي في شغله. مش بس هو فنان نجح بمجهود لأ هو شاطر وموهوب جدًا، أنا كنت عايشة مع الشخص ده وبشوفه بيعمل إيه في الاستديو. وبيختار الأغاني ازاي”.

بسمة بوسيل: مكنتش أعرف أن لازم أشارك في كل مراحل إنتاج الأغنية

وتابعت “بسمة بوسيل”: “أنا اتعلمت حاجات كتير جدًا كأني أخدت كورس طريقة اختيار الأغاني لكل حاجة. أنا مكنتش أعرف أن لازم أشارك في كل مراحل إنتاج الأغنية إلا لما شفت ده”.

بسمة بوسيل: أنا كبرت مع تامر حسني وهو شخصية مهمة في حياتي

واستكملت “بسمة بوسيل” متحدثة عن علاقتها بـ “تامر حسني” على المستوى الشخصي حيث قالت: “على المستوى الشخصي أنا كبرت مع تامر. عرفته وأنا صغيرة ونضجت معاه وهو أبو عيالي وخلاني أم الحاجات دي كلها بحس أن هو شخصية مهمة في حياتي. إحنا دلوقتي مبسوطين إننا أصحاب، إحنا الاتنين بنزل أغاني في نفس الوقت بس مش بننافس بعض بنكمل بعض. ألبومه الجديد أنا سمعته قبل ما ينزل وكنت بختار معاه كذا أغنية منها “لينا معاد” وفي أغاني كان بيعملها من قبل ما ننفصل. هو ألبوم حلو ومتنوع جدًا وحبيت كذا أغنية وبتمنى له التوفيق”.

عودة قوية بعد غياب

يذكر أن الفنانة المغربية “بسمة بوسيل” عادت للغناء من جديد بعد فترة طويلة من التوقف منذ زواجها من “تامر حسني”. وأصدرت عددًا من الأغنيات المنفردة فور عودتها.