حسام حبيب يرد على أخبار خطبته من البلوجر الأردنية سارة على طول الناس بتخربلي حياتي

انتشرت خلال الأيام القليلة الماضية العديد من الأخبار حول ارتباط الفنان “حسام حبيب” بعارضة الأزياء والبلوجر الأردنية “سارة” وأنباء عن خطبتهما.

انتشار الأخبار الكاذبة يثير استياء حسام حبيب

إلا أنه من الواضح أن تلك الأخبار لم تكن صحيحة وهو ما أثار غضب واستياء “حبيب”. ليخرج عن صمته ويرد على ما تم نشره من أخبار في تصريحات له مع برنامج “إي تي بالعربي”.

حيث قال في تصريحاته: “الموضوع ما وصلش خالص للخطوبة نهائي، هما سبقوا الأحداث وخلّوا الموضوع يتعقّد بدل ما يحصل فيه خير. يعني اللي حصل ده، مش عارف أقولهم إيه بصراحة، وأصلاً الحاجة اللي بيتكلموا عنها عمرها ما وصلت لربع اللي بيتقال. ومش عارف الناس عايزين إيه مني بجد، على طول الناس بتخربلي حياتي!”.

حسام حبيب: أهل البنت ليهم عاداتهم وتقاليدهم وانتوا بوظتوا كل حاجة

وتابع “حبيب” قائلاً: “وإن كان في حاجة، هما كده بوّظوها، لأن أهل البنت ليهم عاداتهم وتقاليدهم، وناس محترمين جدًا جدًا. زيّ ما إحنا زمان كان لينا عاداتنا وتقاليدنا، وكنا بنتحرم يعني إيه بنت، يعني إيه نِفسِن عليها … مش عارف إيه اللي حصل للمصريين؟ النخوة اللي كانت عندنا راحت فين؟”.

واستكمل “حسام حبيب” حديثه مطالبًا جمهوره بعد الحديث عن حياته الشخصية حيث قال: “ابعدوا عن حياتي بقى. أنا مش عارف إيه ده! إمتى هتسيبوا الناس في حالها؟ عمرنا ما اتكلمنا عن مين خَطَب ومين اتجوز، ولو حصل، بيتكلموا بعد الأحداث. دلوقتي بيتكلموا عن بنت وليها عائلة كبيرة، وبقى كل همنا التريند والفيديو ده يجيب كام؟”.

وأضاف “حسام حبيب”: “أنا مش عايز حد يتكلم عني، ولا الناس كلها تتكلم عني. طلعت مع بسمة وهبة وقلت إن الجمهور بقى آخر همي، عشان أوصل رسالة إني مش عايز تريند. هو في فنان بيقول كده؟ هما وصلوني لكده”.

حسام حبيب لمروجي الشائعات: اللي جاي هايبقى وحش وهايبقى في قضايا

وخلال تصريحاته، أكد “حسام حبيب” عدم صحة ما يتم تداوله من أخبار حول خطبته من “سارة” حيث قال: “وكل شوية يطلعوا يقولوا إن حسام حبيب صرّح، أنا صرّحت فين؟ أنا ما قلتش حاجة لحد نهائي!. وبعدين بيقولوا إن علاقتي بالبنت دي من سنين! هي أصلاً البنت عندها كام سنة عشان يتقال كده؟ واللي جاي بقى هيبقى وحش،. وهيبقى في قضايا، ولازم كل حاجة يكون ليها حدود، ومش المفروض نتكلم عن أعراض الناس”.

واختتم “حسام حبيب” حديثه قائلاً: “وأنا هشوف مين اللي كتب الكلام ده على لساني وهحبسه، لأني ما قلتش لأي حد. وأنا هكبر المشكلة، لأن البنت دي بنت ناس كبيرة أوي في الأردن، فهندخل القضايا ونشوف بقى”.

أسباب انتشار الشائعة

يذكر أنه كانت قد بدأت الأخبار في الانتشار بعد ظهور صورتين لـ “حسام حبيب” برفقة “سارة” في إحدى الحفلات الصيفية ذات ثيم الملابس البيضاء. وكان معهما المنتجة “سارة الطباخ” والملحن “محمود الخيامي”، وبعدها نشرت “سارة” عبر خاصية Story عبر تطبيق Instagram صورة لها على أغنية “شوفت بعينيا” لـ “حسام حبيب” في الخلفية، وأعاد هو نشرها.