تطورات الحالة الصحية لـ”مي الغيطي” في تايلاند

نشرت “مي الغيطي” عبر حسابها على “إنستجرام”، صورا لها خلال رحلة علاجها، وتطورات حالتها الصحية بعد تعافيها من حادث السير الذي تعرضت له في تايلاند.

٧ شهور اختفاء

وعلقت “الغيطي” على الصور تقول: فيه ناس كثيرة بتسألني أنا كنت مختفيه ليه من ٧ شهور، كنت في حادثة حصلت في تايلاند.

حادث عربية

وأضافت: اتخبطت بعربية نقل في العربية اللي كنت فيها، واتصبت إصابات بالغة، حصلي كسر في حوضي، وإصابة في العمود الفقري.

نزيف داخلي وتلف في الأعصاب

كما قالت: كان عندي إصابات داخلية ونزيف داخلي وتلف في الأعصاب في رجلي، قعدت في المستشفى أسابيع في تايلاند ورجعت مصر علشان أكون مع أهلي وأتعالج وسط دعمهم.

بعيد عن الضغوط

وتابعت: مكنتش حابة أشارك اللي حصل وقتها، كنت محتاجة وقت أتعافى بعيد عن أي ضغط، العلاج الطبيعي أخذ فترة، وكل شوية نكتشف حاجة جديدة، أنا دلوقتي أحسن بكتير جدا الحمد لله، ودي حاجة محدش كان متخيلها بعد فتره قليلة نسبيا.

واستكملت: حاسة إني كنت عايزة أشارك ده دلوقتي عشان أقول إن الجسم عنده قدرة رهيبة على الشفاء.. أقوى بكتير مما نتخيل وأن التعافي بياخد وقت، بس بييجي”.

لا تفقد إيمانك بنفسك

وأضافت: لو إنت بتمر بوقت صعب، أرجوك كون صبور مع نفسك عشان عدم فقدانك إيمانك إنك هتكون أحسن بجد بيفرق في قدرتنا على تحمل الصعاب

فنيا

تجدر الإشارة هنا إلى أن آخر أعمال الفنانة “مي الغيطي” كان مسلسل “مسار إجباري”، والذي عرض عام 2024، وكان من بطولة: أحمد داش، عصام عمر، صابرين، بسمة، رشدي الشامي، وآخرين، ومن تأليف باهر دويدار، وإخراج نادين خان.