شريف مدكور: أنا مش خروف
خلال الساعات الماضية، تصدر الاعلامي المصري “شريف مدكور” مواقع التواصل الاجتماعي، وأصبح تريند محركات البحث، وذلك بعد تصريحه الذي انكره فيه عذاب القبر.
هجوم كبير
وبسبب هذا التصريح المثير للجدل، تعرض الإعلامي المصري لهجوم كبير من قِبل رواد مواقع التوصال الاجتماعي، حيث طالبه عدد كبير منهم بعدم الخوض في الدين بدون علم، وأن يترك مسائل الدين للمتخصصين.
“شريف مدكور” يخرج عن صمته
وبعد هذا الهجوم الكبير الذي تعرض له، قرر “مدكور” الخروج عن صمته والرد على منتقديه عبر حسابه الرسمي على موقع التواصل الاجتماعي “فيسبوك”، حيث كتب قائلا: أنا اتكلم في الدين براحتي، وأقول اللي أنا عاوزه مادام مش بكفر حد، والحاجة الوحيدة اللي مش من حق مخلوق يقول لي متتكلمش فيها هي ديني.
أنا مش خروف
وأضاف الإعلامي المصري: على الأقل أنا بأبحث وباجتهد علشان أزود إيماني ويقيني، أنا “مش خروف” هامشي ورا كلام حد، وكل واحد يلم نفسه، على الأقل أنا مش باتاجر ولا باعمل سبوبة من ديني، وربنا عارف نيتي، وهو اللي بيحاسب في الآخر.
انتم عيال قوي
وختم رده قائلا: ورجاء، محدش يدخل على الخاص ويكتب لي أن الدين ده دراسة وعلم، خلي كل واحد في نفسه أرجوكم، والناس اللي عماله تضحك على الكلام ده، انتم عيال قوي، علشان مفيش في الكلام حاجه تضحك.
