شيرين عادل ترد على هجوم ويجز دفاعًا عن زوجها رامي صبري

بعد الهجوم الذي شنه نجم الراب “ويجز” على الفنان والمطرب “رامي صبري” بسبب حديث الأخير عن أغاني الراب وتصريحاته بعدم فهمها. وأن هذا ليس اللون الذي يمكن أن يقدمه من الموسيقى. ردت “شيرين عادل” زوجة الفنان “رامي صبري” في منشور مطول عبر حسابها الشخصي على موقع تبادل الصور والفيديوهات إنستجرام على “ويجز”. حيث تضمن ردها تصريحات قوية ودفاعًا مستميتًا عن زوجها.

“شيرين عادل”: من هنا ورايح مش هاسكت ورامي عنده كل الصلاحية لأي رد

حيث نشرت “شيرين” جزءًا من حديث رامي وقالت في منشورها: “ده جزء من الحلقة اللي رامي اتكلم فيها عن الراب .. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني .. أولاً رامي اتسأل سؤال في برنامج ورد وعنده كل الصلاحية لأى رد أو إجابة على أي سؤال يعني مفيش أي مانع يخلي رامي لما يتسأل سؤال ميجاوبش”.

وتابعت: “وثانيا رامي صبري ده يا حضرت فنان من أهم الفنانين في الوطن العربي ومن أهم الأصوات، ده لو حضرتك مش معانا في مجال المزيكا. وبعدين والله يا ريت رامي عنده الوقت بتاع حضرتك الفاضي أوى بتاع 5 شهور فاضي يا ريت كنا نتمنى”.

“شيرين عادل” لـ “ويجز”: لو رامي رقم 19 إنت مش موجود على الخريطة

وأضافت “عادل” قائلة: “أما بقى موضوع رامي رقم كام ده هو الحقيقة مش شاغل بال رامي أوي. بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس .. أغنية واحدة من رامي صبري واحدة بس تعمل تاريخ لناس”.

واستكملت حديثها قائلة: “محتاج تذاكر كويس وتعرف انت بتتكلم عن مين، قبل ما تتكلم لأنك واضح إنك عندك شغل تاني غير المزيكا. لأنك لو جوة الشغلانة كنت مش هتقول ولا كلمة من الكلام ده علشان الناس متضحكش عليك لأنك اتكلمت عن فنان بجد مش جاي يهزر”.

“شيرين عادل”: لما تحب تعمل دعاية لأغنيتك ابعد عن رامي صبري

وأنهت “شيرين عادل” منشورها قائلة: “وأخيراً لما تحب تعمل دعاية لأغنيتك الجديدة ابعد عن اسم رامي صبري. أنا عارفة إن اسمه ممكن يخلى الأغنية تريند بس حاول الأغنية بتاعتك الجديدة تعتمد فيها على نفسك”.

وقد تفاعل عدد كبير من المتابعين مع منشور “شيرين عادل” خاصة وأنها استخدمت كلمات قوية للدفاع عن زوجها في هذا الموقف. خاصة وأنه لم يقصد الإساءة إلى أحد.

هجوم “ويجز” على “رامي صبري”

يذكر أن “ويجز” كان قد هاجم “رامي صبري” بعد حديث الأخير عن موسيقى الراب والأغنيات التي يقدمها الجيل الحالي. بالإضافة إلى أغاني المهرجانات خلال لقائه في برنامج “حبر سري”. حيث قال “ويجز”: “هتكلم على فنان فاكر أنه عنده صلاحية يطلع يتكلم في أي وقت على أي حد والناس تسمع وتسكت. الفنان ده اسمه رامي، رامي ده بقى كل لما يقعد 5 شهور يزهق يطلع يتكلم في التليفزيون على بتوع الراب والهيب هوب وكده. طيب أنت بتتكلم أمتى عن بتوع البوب اللي أنت منهم، على فنك ومجالك وكده”.

وتابع قائلاً: “انت مش رقم 2 يا رامي، أنت رقم 19، أنت بعيد أوي بجد. أنت شايف إن الفنانين دول بيحاولوا يوصلوا لمستوى أنت فيه، في حين إنهم معديينك “. وأوضح “ويجز” أنه لا يعتقد أن “رامي صبري” يمكنه تقديم الراب أو فهمه.