الظهور الأول لشيماء سيف بعد خسارة كبيرة في وزنها

الظهور الأول لشيماء سيف بعد خسارة كبيرة في وزنها

حلت الفنانة الجميلة “شيماء سيف” ضيفة على الإعلامية “ياسمين عز” خلال إحدى حلقات برنامجها “كلام الناس” والذي يعرض على شاشة قناة “إم بي سي مصر”. حيث ظهرت “سيف” وقد خسرت كثيرًا من وزنها وكشفت عن أن السبب وراء خسارة وزنها قيامها بعملية تكميم المعدة. مشيرة إلى أن القرار جاء بعدما تأثرت صحتها بالوزن الزائد.

حيث قالت “سيف” عن عملية التكميم: “بتخسي تدريجي بس أول فترة بتنزلي 20 كيلو فجأة بعد العملية وبعد كده بتنزلي كل شهر 6 كيلو. ودي حاجة مفرحة جدًا، وبتقعدي تبصي على الميزان وتقولي ده أنا، ونزلت لحد دلوقتي 50 كيلو وراضية عن شكلي جدًا”.

شيماء سيف بقيت بركع وأنا بصلي وبيني وبين الأكل عداوة

وأضافت: “كان نفسي أوقف على كده وأكتر حاجة مبسوطة منها بعد العملية أني بقيت بركع وأنا بصلي، وكنت بصلي على كرسي زي الناس الكبار ومبقتش مصدقة نفسي”.

وتابعت “شيماء سيف” قائلة: “دي حاجة حلوة أوي وحاجة صحية ويا رب ان شاء الله يديم علينا كلنا الصحة. وانا شاكلي اللي بره ده مش فارق لي في أي حاجة، ولا كان فارق لي في الأول ولا دلوقتي وأنا كان فارق لي في الأول أني كويسة وسليمة. ودلوقتي، ولما خضت التجربة دي أخدت مميزات أكتر بقيت خفيفة بتمشي بتروحي إنما كشكل بره انا شايفة نفسي هي هي. وبتفرج على نفسي في الفيديوهات القديمة بتخض وزمان ماكنتش بشوف نفسي كده، وكنت بشوف نفسي زمان قمر”.

وأما عن طريقة تعاملها مع عملية التكميم والأكل المسموح لها قالت: “متاح ليا أني أكل كميات أكل معينة، وأنا كشيماء مش عايزة. أنا خلاص دخل دماغي أني اكل خضار سوتيه وبقيت مبسوطة بكده ومعرفش ايه اللي حصل بجد ومش عايزة برضه ابقى الشكل اللي اختلف تمامًا. نفسي أثبت ومش قادرة أرجع للأكل مبقتش حاباه وبقى فيه بيني وبين الأكل عداوة اللي هو انت الأكل اللي وجعت لي رجلي مش عايزاه”.

واستكملت “شيماء سيف” حديثها قائلة: “أنا عاملة نيو لوك، وعملت العملية بتاعة تكميم المعدة، وخدت القرار، بالرغم من أني صاحبة مقولة ليه أعمل ريجيم وقدامي مكرونة بشاميل وشيكولاتة، ولكن كنت بقول كدا عشان صحتي كانت كويسة”.

شيماء سيف: رجلي وجعتني فجأة وكنت بعيط من كتر ما كنت زعلانة

وتابعت: “لكن فجأة ودون سابق إنذار رجلي وجعتني، وركبتي مكنتش قادرة منها، ومش عارفة عامل إيه، وأطلع السلم وأصرخ. وكان عندي وجع فظيع، وكلمت دكتور قالي لازم أعمل أشعة، ولما بعتها له، قالي إحنا لازم نعمل تغيير مفصل حالًا”.

وأنهت “شيماء سيف” حديثها قائلة: “أنا بكره أدخل مستشفيات، وانهرت وجالي اكتئاب، وعنيا كانت بتدمع من كُتر ما كنت زعلانة. وروحت لدكتور تاني، قالي إني مش محتاجة أعمل عملية، ولكن أنتي محتاجة تخسي، ومي كساب اللي شجعتني وقالتلي متقلقيش يا شيماء ويلا ولازم نعملها. وفعلًا خدت الخطوة وخسيت 50 كيلو”.

الظهور الأول بجسد أكثر نحافة

يذكر أن “شيماء سيف” قد أخذت القرار بالقيام بعملية تكميم المعدة بعد التأثير على صحتها سلبًا بسبب الوزن الزائد وقد لاحظ الجمهور آثار العملية عند ظهورها الأول بعدها في حفل زفاف الفنانة “ريم سامي” شقيقة المخرج “محمد سامي” وبدت في جسد أكثر نحافة.

يمكنك أيضا قراءة More from author