رامي صبري قضية فلسطين مش هتقف لو أنا بطلت غناء
بالرغم من التضامن الكبير من غالبية أفراد الوسط الفني مع الإضراب العالمي الشامل ومقاطعة المنتجات التي تدعم الشركات المنتجة لها الكيان الصهيوني واعتذار الكثير من النجوم والنجمات عن أعمالهم تضامنًا مع غزة، هناك من يعترض على ذلك ويرى أن توقفه عن عمله لن يؤثر بشيء.
ومن بين هؤلاء المطرب” رامي صبري” الذي تم انتقاده سابقًا بسبب إحياء حفلاته في ظل الظروف التي تمر بها فلسطين حيث رد على منتقديه قائلاً: “بشوف تعليقات لما باجي انزل فيديو الأسبوعين اللي فاتوا على حفلات حضرناها بشوف تعليقات غريبة مش فاهم وإنت بتغني إزاي وفلسطين بتتضرب إحنا أكيد مع فلسطين وضد الضرب وضد الناس اللي بتموت”.
وتابع: “لكن مش هتقف على شغلنا ونفضل قاعدين ناكل ونشرب وننام واللي بيكتب كده بيكتب على أساس إيه دا شغلنا وكاتبين عقود إنترناشونال ومش عقود صغيرة نقدر إننا منشتغلهاش مش عايزنا نعمل حفلات ومش عايزنا نغني دا شيء غريب، بزعل لما بلاقي الناس بتفكر كده لكن معنديش حل”.
وأضاف: “فلسطين بتضرب من قبل ما إحنا نيجي في الدنيا يعني نعمل إيه؟، أه لازم نقف ونعمل اللي علينا وممكن نغني وندفع فلوس ليهم ونتضامن لكن نوقف شغلنا هنعمل إيه؟ هل إنت مش بتتفرج على الماتشات اللي شغالة مش بتدفع فلوس تروح تتفرج في الاستاد على الزمالك والأهلي مش بتتفرج على ليفربول ومحمد صلاح، مش بتخرج وتعيش حياتك؟ طيب بتخرج ليه طالما فلسطين بتضرب وبتموت يعني هنموت إحنا كمان”.
واستكمل “صبري” قائلاً: “مش موضوع رزق مفيش حاجة في المزيكا اسمها كده إحنا كاتبين عقود وشروط جزائية كبيرة، هل نقف عشان نبقى كويسين من وجهة نظركم مش دا التضامن، ما ممكن نعمل حفلة وادفع عائدها لفلسطين، قضية فلسطين مش هتقف لو أنا بطلت غناء”.
يذكر أن “رامي صبري” بدأ مشواره الفني عام 2000 كملحن وكانت أولى أعماله كمطرب أغنية “حبيبي الأولاني” ومن الجدير بالذكر أن “صبري” شارك مؤخرًا في حفل “ليلة الدموع” ضمن فعاليات موسم الرياض المقام حاليًا في المملكة العربية السعودية تحت إشراف المستشار “تركي آل الشيخ” رئيس الهيئة العامة للترفيه.
