انفجار شيرين عبد الوهاب بالبكاء على الهواء

انفجار شيرين عبد الوهاب بالبكاء على الهواء

دخلت الفنانة شيرين عبد الوهاب، في نوبة بكاء، خلال حديثها مع عمرو أديب، ببرنامج “الحكاية”، أثناء توضيحها لحالتها وموقفها من التسجيل الصوتي وتداعياته.

وقالت شيرين أنا تعبانة، بحاول أمشي جوه الحيط، ولم تستطع استكمال حديثها وانهارت من البكاء، قبل أن يقاطعها زوجها، الفنان المصري، حسام حبيب.

من جانبه، قال حسام حبيب: “الفنانين بشر ولما حياتهم بتنتهك بالطريقة دي مش بيبقوا عارفين يروحوا فين، ده إحساس صعب جدا، بيسجنك جوه حياتك وبيتك، أنا مش عارف أرد على حد”.

وحول تفاصيل التسجيل الصوتي قال: “البنت اللي كانت بتكلم والدي ساومتني، وبعتت لي على فيسبوك، عملت لها بلوك، فبعتت لي على واتس آب، وبعتت لي حتة من التسجيل وقالت لي لو مدفعتش 2 مليون جنيه التسجيل ده هينزل، قلت لها خدي الـ2 مليون جنيه ونزليه”.

وأكمل: “البنت سمعتني جزء أسوأ من اللي اتقال، أنا محدش يقدر يبتزني، لأني عارف تربيتي وعلاقتي بربنا عاملة إيه”.

وفي إطار الحديث عن ادعاءات والده بانقطاعه عن الغناء بسبب ارتباطه بالفنانة شيرين، أوضح حسام حبيب: “عملت أول ألبوم عام 2004، وبعدها اشتغلت 2006، وفي 2008، وبعدها عملت ألبوم في عام 2016، أنا الشغل بالنسبة لي هواية، عمر شيرين ما أخرتني عن حاجة، ولا هي بتدخل في شغلي ولا أنا بتدخل في شغلها”.

يمكنك أيضا قراءة More from author