هنا شيحة تتحدث لأول مرة عن سبب انفصالها عن أحمد فلوكس

تحدثت النجمة المصرية هنا شيحة ، عن طلقها الفنان أحمد فلوكس، خلال لقائها التلفزيوني مع الإعلامي رامي رضوان، وقالت هنا: “إحنا أصحاب، وهو راجل جدع جدا، وأنا بحبه جدا، وبحترمه جدا، وإحنا أصحاب لحد دلوقتي، وواقف معايا في مليون ألف مشكلة عندي هو اللي بيحلهالي.

أحمد فلوكس صديق هنا شيحة المقرب رغم الانفصال

وكشفت شيحة سبب طلاقهما: “إحنا كأزواج معرفناش نركب على بعض، وكنا بنطقش كتير بزيادة”، وأشارت إلى أنها فضلت الانفصال على أن يحتفظا بصداقتهما، فضلنا إننا نفضل أصحاب ومنخسرش بعض كأصحاب، ولما انفصلنا هو اللي ساعدني أنقل بيت جديد وجاب الشركة اللي بتشيل العفش، وإحنا انفصلنا في رمضان وجه فطر عندي.

خلينا متحضرين

وتابعت هنا قائلة: إحنا متفقناش في الحياة اليومية فقررنا إن إحنا بما إن إحنا بنحب بعض، فبلاش نضغط على بعض أو نخسر بعض، وده اللي إحنا عملناه، واعتبرت شيحة أن ما فعلته نوع من أنواع التحضر، خلينا متحضرين ولذاذ ولما نشوف بعض نسلم على بعض، لأن الحياة مش مستاهلة كل الوجع ده.