صور بيان أحمد إبراهيم زوج أنغام في برنامج عمرو اديب بعد مهاجمته

قال الموزع الموسيقي أحمد إبراهيم زوج أنغام انه سكت علي الاهانات التي قد وجهت له منذ زواجه إحترامًا لخصوصيات، واحتراما لأهله وأولاده وبيته، أيضًا قال أحمد إبراهيم زوج أنغام انه صمت عن الاهانات حتي لا يفتح أولاده اليوتيوب فيجدوا معارك أسرية، وأضاف خلال برنامج حيث قال”انا مش عامل حاجة غلط ومركز في شغلي ومكمل حياتي”.

أحمد إبراهيم زوج أنغام

نشر الموزع الموسيقي أحمد إبراهيم عبر حسابه الخاص علي موقع التواصل الاجتماعي موقع فيسبوك رسالة وجهها لجميع منتقديه بعد زواجه من الفنانة المصرية أنغام.

حيث كتب يقول: “دي رسالة لكل حد هيتجاوز من هنا ورايح، أولا بشكر كل صحفي واعلامي احترم رغبتي في عدم التعليق علي الكلام الكتير أخر فترة، لكن واضح ان السكوت عند بعض الناس بقي يتفهم غلب وخوف ومحدش بيقدر احترام الواحد لخصوصياته، انا بعرف اتجاهل علي فكرة”.

وأكمل كلامه: “وكنت سكت طول الفترة الاخيرة ورفضت ألف برنامج للرد علي تجاوزات في حقي وحق زوجتي الثانية أو اتهامات كاذبة في حق زوجتي الاولي منسوبة ليا واتهامات من ناس عاملين “حبايب وقرايب”، بيسخنوا الدنيا ضدي وضد زوجتي الثانية غيرة وغل لكن ربنا الحافظ”.

أضاف الموزع الموسيقي أحمد إبراهيم: “سكت لإني كبير واعرف أدير بيتي إزاي ومش من هواة الرد و17 سنة شغل لا جريت علي مادة ولا شهرة لإني شبعان ولإني بتقي الله وبستخيره في تصرفاتي وبأخد قرارتي بنفسي واللي عارفني عارف مين أحمد إبراهيم”.

ثم قال: “اللي في الصورة معايا دي مراتي وحطاني فوق دماغها وبترضيني قبل ما تبقي نجمة وأهم مطربات مصر والوطن العربي، محدش بيجبر حد علي حاده واللي في الصورة معايا لا خدتني من بيتي وولادي ولا خربت بيت حد ولا آلف شخص يقدروا يحرموني من ولادي”.

وقال:”ولادي في حضني هما وامهم “بنت الاصول” في رقبتي وعايشين في خيري ومن عرقي ومحدش اشتكي عشان حضرتك واللي زيك يشحت بينهم والحمد لله ولادي زي الفل ومعايا ومامتهم فوق دماغي وشايلة لسه اسمي ووش الخير عليا وسواء كملنا او انفصلنا، هتفضل أم ولادي وكله نصيب ومش ضعيفة عشان حد يدافع عنها”.

تابع ابراهيم: “اللي قدامك وبتقول عليه قد ابنها، ده عنده 36 سنة ومخلف ولدين واحد فيهم 8سنين ومتجوز 2 وفاتح بيتين، واتمرمط واشتغل ألف شغلانه وهو صغير وبيساعد في فتح بيوت كتير بفضل ربنا من صغره”.

وفرق السن ياجاهل اللي بيني وبين مراتي 11 سنة يعني أقل 4سنين من الفرق اللي بين السيدة خديجة والنبي، انا صاحب أهم بصمات ونجاحات ناس أكبر منه في السن ما حققوش ربعه وبفضل الله أعلي سعر موزع موسيقي حاليا مع اتنين تلاتة كمان من جيله علي مستوي الوطن العربي”.

وأضاف خلال مداخلة هاتفية مع الاعلامي عمرو أديب في برنامج “حكاية” المذاع عبر فضائية “mbc مصر”: “أنا مش عامل حاجة غلط، ومركز في شغلي، ومكمل في حياتي، لا أخاف من أحد طالما بتقي ربنا”.

وعن سبب نشره لهذا البيان الآن قال الموزع الموسيقي أحمد إبراهيم: “لو مكنتش اتكلمت مكنتش هبقي مبسوط، وأنا قررت ابقي مبسوط، لا أرضي حد، ولا اتجمل ولا احافظ علي جمهوري، وميفرقش معايا حد”.

ثم اردف الموزع الموسيقي أحمد إبراهيم : “مش معني إني مكنتش برد إني ظالم، انا مش مضطر أرد، أعيش حياتي بمزاجي، وبعمل كل حاجة بما يرضي الله، هي أم ولادي وموجودة في حياتي ولو قررت ان الوضع مش عاجبها ده حقها”.