فنان يتهم نقيب الممثلين أشرف زكي باستغلال نفوذه ومنعه من الظهور على الشاشة

شن الممثل الشاب أحمد إبراهيم هجوم حاد على نقيب الممثلين أشرف زكي حيث اتهم نجم مسلسل “سلسال الدم” أحمد إبراهيم النقيب والفنان أشرف زكي بالعبث بمستقبله من خلال منعه من الظهور في الأعمال الفنية عن عمد، مستغلًا نفوذه ومعارفه الواسعة من أجل أن يمنعه من أي عمل يعرض عليه “على حد قوله، حيث شارك الممثل الشاب منشور عبر حسابه الرسمي على موقع التواصل الإجتماعي “فيس بوك”، يشرح فيه مدى الظلم الواقع عليه، مستعينًا بالجمهور وكبار الفنانين وأخيرًا بالقضاء المصري لأخذ حقه!.

نشر النجم احمد ابراهيم صورة له، وصورة أخرى لنقيب الممثلين، وشرح ما يتعرض له قائلًا “ياريت اى حد حكيم من الوسط الفنى يقولى اتصرف ازاى مع الشخص إللى بيدير نقابة المهن التمثيليه النقيب اشرف ذكى . للمره العاشره أو الحداشر حد يرشحنى لشغل والمخرج يقوله مش هقدر اشغل احمد ابراهيم عشان اشرف ذكى مايزعلش”!.

استطرد النجم قائلًا “طب معنى كده بقى ان الاخ النقيب موصى ان إللى هيشغلنى هيزعل منه وطبعا هو زعله وحش وناس كتيييير بلغونى ان اسمى بيترشح وبتشال من الشغل عشان اشرف بيه ذكى حاططنى ف قايمة المغضوب عليهم . والسنادى بالفعل انا مشتغلتش خاااالص واستحملت عشان انا مش عاوز أوسع الموضوع . بيوصلنى تحريضه عليا وبسكت وبتعامل بالقانون ف حقوقى”.

تابع الفنان احمد ابراهيم سرد ما يحدث له، حيث قال “لحد دلوقتى لا حس ولا خبر عن شقق النقابه وبقول بكره كل حاجه تتعدل . شتمنى انا وزمايلى وسط المطبلتيه بتوعه ومارديتش اروحله واردله الشتيمه ف وشه وقلت راجل كبير وعيب تقل منه . بيشتغل هو وعيلته واعضاء المجلس والمطبلتيه بتوعه ف كل المسلسلات وانا وغيرى قاعدين ف بيوتنا بنتفرج وبقول يمكن يشبعوا ويحسوا بينا”.

استكمل نجم مسلسل “سلسال الدم” قائلًا “انا كده عدانى العيب وقذح . الشخص ده بيمنع عنى الشغل والكل عارف انى موهوب . طب المطلوب منى اعمل ايه . انا مش هعرف اطاطيلك لان إللى مربينى راجل ومات ف بيته مش ف السجن . ناس كتيييير اتدخلت وكلمته وهو رافض حتى مجرد ان حد يكلمه عليا . ماهو كده بقى الموضوع استقصاد وقطع عيش وانا عندى بيت مفتوح”.

اختتم الفنان حديثه أنه يريد مساعدة الفنانين الكبار في الوسط الفني، قائلًا “اتمنى إللى يعرف شيوخ المهنه زى عادل امام ولا صلاح السعدنى ولا يسرا ولا المنتجين المحترمين يبلغهم ان اشرف ذكى بيضيع مستقبل شاب موهوب . وانا اقسم بعزه وجلالة الله لحد دلوقتى بتعامل بكل أدب . انما لما توصل لان شخص يتحكم في أكل عيشى ورزق ابنى يبقى ياروح مابعدك روح”.

طالب الممثل الشاب من جمهوره ومتابعيه مشاركة المنشور على أوسع نطاق، لمساعدته لكي يأخذ حقه، حيث قال “اللهم بلغت اللهم فاشهد.. ياريت إللى بيعزنى يشير كلامى ده على أوسع نطاق عشان رسالتى الاخيره تكون وصلت وابقى عملت إللى عليا بالذوق”.

نشر النجم تعليق له آخر مستعينًا فيه بالله على ما يتعرض له من ظلم، حيث قال “الارزاق بيد الله بس فيه ناس شياطين بتقطع سبل الرزق وده من لسان شيوخ ف مشيخة الأزهر”.

 

ياريت اى حد حكيم من الوسط الفنى يقولى اتصرف ازاى مع الشخص إللى بيدير نقابة المهن التمثيليه النقيب اشرف ذكى . للمره…

Posted by Ahmad Ibrahim on Wednesday, June 27, 2018

 

ده اعتراف اهو من زميل وعضو نقابه ان النقيب اشرف ذكى كان بيحرضه عليا وعلى زمايل لينا اتفرجوا واسمعوا عشان محدش يلومنى بعد كده والكلام ده بقاله فتره وانا مستحمل بس خلاااااااص كل واحد لازم يقف عند حده بقى عشان احنا مش صغيرين وياريت اى حد من كبار الوسط يقوله عيييييب عشان ده مستقبل شباب مش لعبه وياريت شير على أوسع نطاق عشان إللى داخلين يقولولى بلاش تتكلم يعرفوا انى سكت كتير واستحملت كتير عن اللازم

Posted by Ahmad Ibrahim on Wednesday, June 27, 2018

 

السيد نقيب المهن التمثيلية انت وزوجتك محتكرين جميع الاعمال الفنيه وتحجر عن فنان ناشىء فى بدايه حياته الفنيهيا نقابة…

Posted by ‎على محمدى‎ on Wednesday, June 27, 2018

 

الارزاق بيد الله بس فيه ناس شياطين بتقطع سبل الرزق وده من لسان شيوخ ف مشيخة الأزهر

Posted by Ahmad Ibrahim on Wednesday, June 27, 2018

 

 

 

 

 

يمكنك أيضا قراءة More from author