فيديو شريف منير يعاتب الجماهير المصرية في رسالة على صفحته الشخصية
بعد حالة الغضب التي أثيرت بسبب سفر وفد الفنانين إلى روسيا وتشتيتهم تركيز الفريق المصري، قام النجم شريف منير بنشر فيديو لجمهوره، وعاتب شريف منير الجمهور على الكلام المزعج الذي نشر على موقع التواصل الاجتماعي فيس بوك بشأن بعثة الفنانين.
عتاب شريف منير للجماهير المصرية
بعد خسارة المنتخب المصري أمام المنتخب الروسي في تصفيات كأس العالم انتابت الجماهير حالة من الغضب، والتي بدأت قبل المباراة بيوم عند وصول بعثة الفنانين إلى روسيا، بسبب تشتيتهم للاعبين.
وهو ما أثار استياء الفنانين جعلت بعضهم يرد، وكان منهم النجم شريف منير الذي وجه رسالة عتاب إلى الجمهور على التعليقات التي ملئت وسائل التواصل الاجتماعي في فيديو على صفحته على الفيس بوك.
وبدأ منير الفيديو قائلًأ: ”مش شايفين يا جماعة إن اللي بيتقال علينا كتير شوية، يعني الفريق المصري خسر فيتقال علينا الكلام الكتير الجارح ده”.
ثم أضاف: «ذهبنا إلى روسيا لتلبية دعوة بهدف دعم المنتخب القومي، والدعوة شملت الطيران والإقامة مثل دعوات المشاركة في المهرجانات السينمائية، ولم نتلق أية مكافآت، بالعكس تكلفنا بعض المضروفات».
وأضاف مرة أخرى: «كل ده عشان الفريق خسر، فإحنا نتحمل الموضوع يعني، هو إحنا اللي حطينا خطة اللعب؟ هو إحنا اللي لعبنا وخسرنا؟ إحنا كنا واقفين وبنتفاعل جوه الملعب زي كل المصريين الموجودين، وزعلنا لما اتغلبنا».
وتابع منير: «الكورة كده، مكسب وخسارة، إيه الغلط اللي عملناه؟ ويتقال علينا مطبلاتية ورقاصين وألفاظ مش كويسة، هو إحنا مش بنمتعكوا برضه؟ إيه الغلط اللي عملناه؟ هي مش فيفي عبده اللي أنا شاركت معاها في مسرحية حزمني كنتوا بتنبسطوا منها؟».
كما تسائل: «إحنا ذنبنا إيه؟ إحنا رايحين ندعم المنتخب، حطوا نفسكو مكاننا، ولو أنت مكاننا وجت لك دعوة لحضور الماتش، بصرف النظر مين اللي طالع معاك، مش هتطلع؟ أكيد هتطلع».
وأكمل قائلًا: «اتقال علينا كلام كبير، وإن إحنا طالعين من قوت الشعب، مش حقيقي الكلام ده، ده بند من الدعاية للشركة، وده يشرفنا إننا ندعم المنتخب، أقسم بالله إحنا ما نعرف اللاعبية في أوتيل إيه، ولا شوفناهم أساسًا».
وأضاف: «الكلام جارح جدًا، معملناش حاجة مشينة، لو كنا كسبنا كنتو شيلتونا فوق الدماغ، أنا حقيقي انجرحت وزعلت، إحنا لما بنروح والله ما بناخد مقابل، وأقسم بالله مرة تانية إحنا ماشوفنا اللاعبية ولا نعرف مكان إقامتهم».
وتابع: «إحنا قدمنا لكم كتير، واستمتعتم بأعمالنا، مفيش داعي تجرحونا أكتر من كده، ماتزعلوش مننا إحنا معملناش حاجة وحشة، وأقول للاعيبة هارد لك، هي الكورة كده، كل الفرق بتخسر».
واختتم: «من باب أولى إننا نهاجم المصريين اللي فرحانين في هزيمة منتخبنا، في ناس بيهاجموا فريقنا وبيفرحوا فيه، وقالوا علينا يا رب الطيارة تقع بينا وكأننا خونة، أنا آسف على الإطالة والانفعال، وفي الآخر أفوض أمري إلى الله إن الله بصير بالعباد».
وكانت البعثة قد ضمت العديد من الفنانين والإعلامين من بينهم: لميس الحديدي وشريهان أبو الحسن وخالد صلاح وفيفي عبده وشريف منير وأحمد رزق وأحمد السعدني وغيرهم.
