عمرو سمير عاطف يوجه هذه الرسالة الغامضة لأحمد مكي

ظهرت أزمة عمرو سمير عاطف وأحمد مكي على الساحة بعد لقاء مكي الأخير مع الإعلامية منى الشاذلي، حيث تحدث عن أزمة عمرو سمير عاطف وأحمد مكي عاطف بنفسه، ووجه رسالة قاسية لمكي على صفحته الرسمية على موقع التواصل الاجتماعي فيسبوك.

أحمد مكي
أحمد مكي

مشكلة عمرو سمير عاطف وأحمد مكي

غضب المؤلف عمرو سمير عاطف، من مكي بعدما صرح مكي في برنامج معكم منى الشاذلي أن السيت كوم “تامر وشوقية” كان إخراجه وهو من قام بتطويره ليكون بهذا الشكل.

ولهذا السبب رد عليه المؤلف عمرو سمير عاطف عبر صفحته الشخصية على الفيس بوك قائلًا: “الواحد ما بقاش فيه حيل يدخل فى جدال والموضوع ما بقاش فارق قوي وخصوصًا أن “تامر وشوقية” كانت مرحلة عدى عليها سنين طويلة وانتهت”.

وتابع: “الكلام آللى مكى قاله فى اللقاء عن “تامر وشوقية” العمل آللى كان بدايته الحقيقية والسبب آللى خلاه يبقي ممثل مش مخرج، كلام غير دقيق لأنه بيدى إيحاء أنه كان له دور فى تطوير الموضوع وكان سبب أن يبقي فيه حاجة اسمها ست كوم وأنه بيحب “يذاكر” الموضوع وبيقول “جبنا كتب” و”عملنا “وده كله كلام فيه مبالغة فى تصوير دوره”.

وأضاف: “الحقيقة هى أن مكى كان سيخرج المسلسل فعلًا ولم يكن يقرأ الحلقات ولا كان بيجهز نفسه لإخراج العمل كما يجب أو -على الأقل – مثلما أنا كنت متوقع ومنتظر منه ولغاية ما قربنا نخلص كتابة كان مشغول في أعمال ثانية وما كناش بنشوفه خالص لدرجة إنى أنا آللى اشرفت على تصميم وتنفيذ ديكور الجزء الأول من المسلسل. ولما ابتدى التصوير مكى أخرج أول حلقتين وأنا وشريف عرفة -بصفته المنتج- والكتاب اتفرجنا عليهم وكان المستوي مش كويس ولو كان مكى استمر فى إخراج الحلقات ما اعتقدش إنها كانت هتنجح، وقام شريف عرفة بوقف التصوير بعد الحلقتين لمدة أسبوع وقرر أنه سيخرج هو الحلقات ومكى ها يعمل دور هيثم وقد كان”.

وتابع: “هل هذا معناه أن مكى لم يضف للعمل؟ لا طبعًا مكى كان إضافة مهمة وكبيرة جدًا لتامر وشوقية وفعلًا دور هيثم ماكنش مكتوب كدة فى الأول، لكن بعد ما مكى ابتدى يعمله بالطريقة دى ابتدينا نكتب الدور بطريقة مختلفة”.

ثم استرد قائلًا: “لكن تامر وشوقية ما اتعملش لأن مكى كان عايز يعمل حاجة مختلفة، تامر وشوقية أنا فضلت سبع سنين ألف بيه على المنتجين والمخرجين لغاية ما شريف عرفه تحمس لإنتاج العمل وشخصية هيثم مش من إبداع مكى لوحده أنا والكتاب آللى اشتغلوا فى العمل وشريف عرفة ساهمنا فى خروجها بالشكل ده ولما مكى راح يعمل فيلم إتش دبور طارق نور طلب منى إنى أرفع قضية عليه بصفتى مؤلف الشخصية وشريف عرفه كلم هشام سليمان آللى كان بينفذ إنتاج الفيلم وقاله لازم تدفعوا للمؤلف وكان ممكن جدًا بمنتهى البساطة إننا نوقف تصوير الفيلم لكن أنا رفضت إنى اتخذ أى إجراء ورفضت إنى أخد أى مقابل من هشام سليمان، وقلت لشريف عرفة أنا ومكى كنا اصحاب وهو اختار إنه ينهى الصداقة دى ويبقي نجم وفى الحقيقه ده تمن مش قليل يعنى الراجل ما باعش بالرخيص”.

وأضاف: “ربنا يبارك له والحمد لله بقي زي ما أنتوا شايفين كده. فى النهاية أنا بأحب تامر وشوقية جدًا وخصوصًا إنى تعبت فيه قوي ومكي فنان كبير وموهوب مش بس كممثل لكن برضه كمخرج ومازلت شايف إنه لو رجع يخرج مرة تانية أكيد ها يبقي مخرج من أهم المخرجين فى مصر ويمكن فى تاريخ السينما المصرية. لكن للأسف الواحد بيضطر يتكلم عن نفسه وعن مجهوده لما يلاقي تصرفات وكلام بيعكس نرجسية ورغبة فى التكويش على كل حاجة زى دة”.

وأكد عمرو: “بتمنى التوفيق لمكى دايمًا لكن لا أعتقد ولا أتمنى أن نتقابل ثانية لا فى عمل ولا حتى صدفة”.

يمكنك أيضا قراءة More from author