رسالة مؤثرة من رشا سامي العدل لوالدها في ذكرى وفاته الثالثة

في ذكرى وفاة الفنان الكبير سامي العدل  اليوم الثالث عشر من شهر يوليو وهو يوافق هذا العام يوم الثلاثاء الماضي، ترسل ابنة سامي العدل رسالة له فقد قالت ابنة سامي العدل ان هذه هي الذكرى الثالثة لوفاته وعلى الرغم من هذا فهي لا زالت تعيش في حيرة وتخبط بسبب وفاة والدها وغيابه عنها هذه الفترات من حياتها.

رسالة ابنة سامي العدل في الذكرى الثالثة لوفاته

بعثت رشا رسالة مؤثرة للغاية في ذكرى وفاة والدها عبر حسابها الشخصي بموقع التواصل الاجتماعي الفيسبوك وكانت تعبر من خلالها أنها تفتقده في كل شئ بحياتها.
فقالت رشا برسالتها :”وحشتني رسايلك ليّ لما كنت بغيب عنك أو أسافر وحشني هزارنا مع بعض ودلعنا لبعض وكمان لما كنا نناقر في بعض ونغلس على بعض، وحشني لما كنت بعاملك على انك ابني وأخدك في حضني”.

ثم أكملت كلامها :”وحشني حضنك ولمسة إيدك على كتفي وانت بتضمنى ليك وتحسسني بأمان وأن الدنيا بخير وحشتني ملامحك ووحشني الطفل اللى جواك”.

وأضافت إلى كلامها :”زي النهاردة وبالتحديد في الوقت ده تقريبًا خبر وفاتك زعل ناس كتير وأنا الوحيدة اللي كنت معاك ٧ ساعات متواصلة دموعي بتنزل لوحدها وأنا ببوسك وأقرأ قرآن وصوتي محبوس وكنت حاسة إني بموت معاك زي دلوقتي.. إحساسي صعب وأنا بكتب الكلام ده بين دموع وألم كأني بعيش الساعات من أول وجديد”.
لتختتم حديثها بـ :”3 سنين النهارده عدت عليّ من غيرك وأنا في حالة توهان، سنة 96 كتبت لك جواب ووصلته لمكتبك لما كنت مخاصمني عمرى ما هانساه وصفت حالتي من غيرك من 22 سنة، وهي هي نفس حالتى من غيرك بقالي 3 سنين شبهت نفسي بالوطواط اللي تاه ودخل أوضة مليانة نور واتقفلت عليه ففضل يتخبط في الحيطان ويقع ويقوم تانى يتخبط وهكذا تائه موجوع حزين”.