تعرض الفنانة منه فضالي لوعكه صحية وتوجه هذه الرسالة لمتابعيها

كشفت النجمة الشابة منة فضالي عن وضعها الصحي الذي مرت به من ارتفاع حرارتها وفقدان صوتها، حيث كشفت منة فضالي في منشور مطول تطورات حالتها الصحية الآن.

منة فضالي
منة فضالي

منة فضالي تكشف عن وضعها الصحي

نشرت فضالي رسالة لجمهورها ومتابعيها على موقع “فيسبوك”، أوضحت بها ما مرت به في الأيام الأخيرة، قائلة: “النهاردة أول يوم صوتي يبتدي يطلع وأقدر أتحرك، كنت بموت بقالي يومين حرارتي مبتنزلش، المهم الحمدلله إن الواحد كل شوية بيتأكد إنه صح إن مفيش حاجة اسمها عشرة وعيش وملح، أنا أعمل لغيري لكن غيري عمري ما حلاقيه جنبي إلا لو في مصلحة”.

وتابعت: “المرض والموت نعمة من ربنا بيكشفلنا كل شوية ناس متستهلش حتى تبص في وشهم، قليلين قوي اللي اهتموا يسألو عليا وعلى صحتي لكن آل ١٠٠٠٠٠ آللي عندي وآللي ملهومش أي لازمة غير أنهم يتفرجوا عليا وفالحين بس يقولولي واو إيه الجمال ده إيه الطعامة والشياكة دي ناس منافقة كذابة حتعيشو وتموتو كده، الحمد لله إني مش زيكم ولا حكون لأني بكل بساطة بحب الكل وبحب الخير للناس كلها، ومش حتغير بس مع آللي يستاهل وربنا كبير والدنيا عيشة وقتية الدوام لله”.

وأضافت منة: “صحيح أنا ممثلة وبلبس لبس مش محتشم ساعات لإن ده شغلي، بس كفاية إني مش بأذي حد ولا عمري شمت في حد، اتفرجو عليا قوي واحقدوا أوي وغيروا أوي أوي بس عيشوا ضميركم مرتاح زيي لو عرفتم”.

واختتمت: “طبعًا بعد البوست ده حلاقي تليفونات ورسايل بالهبل أحب أطمنكم آخركم عندي إني أتفرج عليكم، كنت فاكرة إن الحب آللي بيكسر طلع في أهم من الحب العشرة والعيش والملح آللي متعرفوش عنه حاجة”.

يذكر أن منة فضالي تشارك في بطولة فيلم “زنزانة 7” تأليف حسام موسى، إخراج إبرام نشأت، بطولة نضال الشافعي وأحمد زاهر ومايا نصري.

كما تقوم حاليًا بتصوير مسلسل «قيد عائلي»، بطولة ميرفت أمين، وبوسي، وصلاح عبد الله، وسيمون، وميريهان، حسين، ودنيا عبد العزيز، ونضال الشافعي، وأحمد التهامي، وأميرة هانى، وكارولين عزمى، من تأليف محمد رجاء وإخراج تامر حمزة.

يمكنك أيضا قراءة More from author