سبب هجوم عمرو مصطفى على النجمة شيرين عبد الوهاب

بدأ الهجوم على الفنانة شيرين عبد الوهاب من قبل الملحن عمرو مصطفى عندما كانت في أحد حلقات برنامج ذافويس فرفعت حذائها لتضغط به على الزر الأحمر لشدة إعجابها بالصوت.

ثم عارض عمرو شيرين عبد الوهاب أيضًا بعد ذلك عندما قامت بالهجوم على عمرو دياب بعد غنائه بحفل زفاف كندى علوش.
دارت كثير من الأحداث بينهم التي سرعان ما انتشرت بموقع التواصل الإجتماعي الفيسبوك.

هجوم الملحن عمرو على شيرين هجوم عمرو على شيرين عبد الوهاب 

بدأ النزاع بين الملحن عمرو والفنانة شيرين عندما رفعت عي حذائها ببرنامج ذا فويس حتى عبر عن إعجابها بصوت المتسابق ولتضغط على الزر الأحمر.
رد عمرو عليها بأنها تعمد بالقيام بذلك وأنها أردات القيام بعمل فرقعة إعلامة وأنها كذلك أسائت لمصر.
حيث قال نصًا :” مفيش مطربة تضرب على الزر الأحمر بالجزمة، انتي هيبة الجمهور مينفعش يشوفك كده”.

وبعد ذلك عندما استضاف الكيلاني شيرين ببرنامجه وسألها عن كلام عمرو أجابت :” عمرو عمرو مصطفى إما بيجيلي البيت علشان لحن، وبيجيب الجيتار معاه بيطبل عليه ويقولي حطيلى أي مزيكا تكنو علشان أقولك على اللحن».

وأكملت قائلة: «عمرو تلت أرباع كلامه مش موزون، وأكتر واحد ودانا في 60 داهية بكلامه ومكنش له علاقة بالثورات العربية، هو معندوش عقل، وأنا مش هعتب عليه.
أنا بكرهه عمى حتى لو كان هو بيحبني، لأني بحترمه وبعامله كويس، لكن هو كلامه وحش وصوته وحش جدًا».

فقام عمرو بالرد عليها وقال :” «فعلاً الإنسان لما بيكون طيب مع الأصوات الجديدة، لما بتكبر بتفتكر إنها وصلت وبتتجاوز حدودها، بس أنا مش هرد
أنا بس هقولك افتكري ريحة رجلك لما كنت عند الشاعر بهاء الدين محمد ونصر محروس، واتحايلوا عليا علشان أسمع صوتك
وبعد كده قالولي ممكن توصلها بس في طريقك لعباس العقاد، وسعتها رحت غسلت العربية من الريحة».

وبعد وقت قليل من نشر البوست قام بحذفه ونشر: «أنا قولت أفكرك بس أخلاقي تمنعني أني أنزل المستوى (المنحط)».

وردت شيرين على هذا الحدث لجمهورها بأنها نشرت على حسابها الشخصي بإنستقرام: “بعتذر لكل الوطن العربي عن موضوع الحذاء، بس أنا بتعامل مع زراير، أكيد انتوا حابين تشوفني في أحسن صورة، وحابين دايمًا تشوفني مبغلطش، وأكيد أنتوا صح وأنا اللي غلط، وأنا آسفة مرة كمان”.

من جهة أخرى يأتي الخلاف الثاني بسبب هجومها على الفنان عمرو دياب وهذا ما زاد الوضع سوءًا ضدها.
حيث أنه تم نشر فيديو لها على الفيسبوك بعد حفل زفاف كندى علوش وعمرو حسن الذي قام بأحياءه الهضبة عمرو دياب.
وقالت فيه: “مصر ما فيهاش غير اتنين تامر حسنى ومحمد حماقى والتانى كبر وراحت عليه”، وظهرت هنا تلميحات تشير إلى الفنان دياب.

وفور تداول هذا الفيديو كان عمرو من أوائل المدافعين عن الهضبة ضد شيرين فقال: “في نوعين من الفنانين في الدنيا الأول بينجح له عمل او اتنين او تلاتة على الأكثر وبيقول أنا ويقل أدبه على الأكبر منه وده لأنه فاضي”.
وأكمل قوله بـ: “والثاني بيفضل ناجح ثلاثين سنة متتالية وبيقول انا مهما كبرت صغير الأول ده بيروح المزبلة بعد خمس الى عشر سنوات الثاني ده بيظل التاريخ يذكره حتى بعد موته”.

رد الشاعر بهاء الدين 

 

بعدها قام الشاعر بهاء الدين بالرد على الملحن عمرو فكتب له مدونة كبيرة على حسابه الشخصي بالفيسبوك.
فقال: “هام جداً: إلى الملحن عمرو مصطفى:
أولاً: فوجئت على أكثر من موقع إعلامي وصحفي إنك ذكرت إسمى وإسم الأستاذ المنتج نصر محروس كشهود على وقائع لم تحدث وإدعاءات غير صادقة تمس شخص الفنانة المطربة شيرين عبد الوهاب بصورة غير حضارية ولا فني .
ثانيا: على ما أتذكر إنك ماكنتش لسة موجود كملحن في الفترة اللي بدأت شيرين فيها وجودها الفني ولو كنت موجود كملحن في بدايتك أظن من الصعب على شخصي وشخص نصر محروس إننا نتحايل عليك تسمع صوتها وهذا كلام غير صحيح .
ومش ح اتكلم عن الكلام التاني اللي أنت كتبته عن شيرين وتناولته المواقع والصحف اللي مايصحش أكرره تاني لعدم صحته ولبواخته وتهوره .
 ثالثا: شيرين عبد الوهاب .. مطربة لها مكانتها ووجودها اللي أظن هجومك عليها بالأسلوب والمستوى ده كان تهور غير محسوب !!!
 رابعا: نصيحة من أخ أكبر ليك: ماتخسرش المحترمين بتهور لأن الدنيا مابقاش فيها ناس كتير يستاهلوا نحافظ عليهم .
 وماعندناش نجوم كتير في نفس المكانة.. والمفروض فنان بإسمك وحجمك لازم يحاسب ويحافظ على صورتنا وصور نجومنا قدام الناس والوطن العربى وأخيراً منتظر منك الإعتذار للجميع لأنى أثق إنك بتحترم الكبار .
 خامسا: اخترت ردى يكون بنفس الأسلوب اللي اتبعته في هجومك على شيرين وذكر اسمنا كشهود على وقائع لم تحدث .
 وف انتظار اعتذار الفنان اللي جواك”.

 

يمكنك أيضا قراءة More from author