احمد حلمي يخرج عن صمته ويرد على من هاجمه؟!

 بعد ان هاجم عزمي مجاهد مقدم برنامج “الملف” على قناة “العاصمة”، النجم المصري احمد حلمي، مستندا على عبارات نسبت لحلمي على حسابات مزيفة على “تويتر” و”فايسبوك”، خرج حلمي عن صمته ليوضح حقيقة الامر.

يشير موقع “مشاهير” ان حلمي رد عبر حسابه الرسمي على “فايسبوك” مطالبا الجميع بأن يفرقوا بين حساباته الشخصية وما يقوله، والحسابات الاخرى الوهمية التي تحمل اسمه، مضيفا: “فيه بعض الأصدقاء والصحفيين كلموني وقالولي إن فيه حسابات كتيرة منتحله شخصيتي وحاطين صورتي واسمي”.

وتابع: ” بعض المقربين طلبوا مني أرد على الاكاونتات المزيفة دي لأنهم بيتكلموا بلساني.. والناس بتصدق وبعض الناس بتشتم من غير حتي ما يتأكدوا إذا كانت الأكونتات دي بتاعتي فعلا ولا لأ، أرجوكم أي حد يقابل في وشه أي أكونت يحمل اسمي أو صورتي يا ريت يتأكد أنه حقيقي قبل ما يتعامل معاه”.

وختم احمد حلمي حديثه قائلا: “وللعلم أنا معنديش أكونتات خالص مش مؤكدة.. كلها مؤكده بعلامة الصح الزرقاء.. الخدمة بقى اللي أنا طالبها منكم إن أي حد يشوف أي اكونت منتحل اسمي وصورتي على فايسبوك او تويتر أو انستغرام إنه يعمل معاه الصح وطبعا الصح إللي أنا أقصده أنه ينصحه”.

وكان عزمي مجاهد انتقد احمد حلمي في احدى حلقاته قائلا: “أحمد حلمي يهاجم البلد رغم أنه يحصل على 10 ملايين جنيه في الفيلم من فلوس المصريين”، مضيفا: “الجيش اشرف منك”.

ومن جهة اخرى، نشر النجم احمد حلمي، 93 صورة رسمها محبوه له، عبر حسابه بموقع “انستجرام”، معلقا: “طبعا كلمة شكرا دى لايمكن تعبر عن واحد فى المليون من فرحتى واعتزازي بالصور اللي تعبوا نفسهم و رسموهالى”. 

وقال حلمى: “معلش على كمية الصور اللي نزلتها فجأة كلها ورا بعض كده، بس دى صور ناس رسموهالى وانا فرحت أوى بيهم فحبيت أقولهم شكرا وأفرجكم الصور بتاعتهم، طبعا كلمة شكرا دى لايمكن تعبر عن واحد في المليون من فرحتى واعتزازى بالصور اللي تعبوا نفسهم و رسموهالى .. ألف مليار شكر ليكوا”. 

وأضاف تعليقا على بعض الصور بصفحته الرسمية بموقع “فيس بوك”، “شكرا جزيلا بجد لكل حد فكر إنه يرسملى صورة، الصور دي بعتبرها من اجمل الهدايا اللى بتجيلى منكم على السوشيال ميديا، ولأنى بعرف ارسم وبحب الرسم فأنا فاهم قد أيه هى بتكون عزيزة على اللى رسمها و غالية اوى للمرسوم فيها. . شكرا جزيلا”.

Tags

مواضيع ذات صلة